ഐഫോണ്‍ എക്‌സ് എസ് ആദ്യം കൈപ്പറ്റാന്‍ ആളുകൾ കാത്തുനിന്നത് മണിക്കൂറുകള്‍

ഏറ്റവും വിലപിടിച്ച മോഡലായിട്ടും ഐഫോണ്‍ എക്‌സ്‌എസ് ആദ്യദിനം തന്നെ കൈപ്പറ്റാന്‍ ആളുകൾ കാത്തുനിന്നത് മണിക്കൂറുകൾ. ലണ്ടനിലെയും സിംഗപ്പുരിലെയും ഷാങ്ഹഹായിയിലെയും സിഡ്‌നിയിലെയും ദുബായിലെയും ബെര്‍ലിനിലെയുമൊക്കെ സ്റ്റോറുകള്‍ക്കുമുന്നിലാണ് ആളുകൾ സ്ഥാനം പിടിച്ചത്. 95,000 രൂപയാണ് എക്‌സ്‌എസ് ഫോണിന്റെ വില. എക്‌സ്‌എസ് മാക്‌സിന് 1,04,000 രൂപയോളം വരും.

എക്‌സ്‌എസ് മാക്‌സിന്റെ 512ജിബി ഫോണിന് 1,40,000 രൂപയിലധികമാണ് വില. ഗ്രേ, ഗോള്‍ഡ് നിറങ്ങളിലിറങ്ങിയ ഈ മോഡല്‍ വിപണിയിലിറങ്ങിയ ഉടൻ തന്നെ റെക്കോർഡുകൾ ഭേദിച്ചുള്ള വിൽപ്പനയാണ് നടക്കുന്നതെന്നാണ് സൂചന. അമേരിക്കയിലും യുകെയിലും മുന്‍കൂട്ടി ബുക്ക് ചെയ്തവര്‍ക്ക് ഇന്നുമുതല്‍ ഫോൺ അയച്ചുതുടങ്ങും. സെപ്റ്റംബര്‍ 28-ന് കൂടുതല്‍ നഗരങ്ങളിലേക്ക് ഫോണ്‍ എത്തും.