ചോദ്യം ചെയ്യലിന് ശേഷം ബിഷപ്പ് മടങ്ങി : സമരം ശക്തമാക്കി കന്യാസ്ത്രീകൾ

കൊച്ചി : കന്യാസ്ത്രീയുടെ പീഡന പരാതിയിൽ ഇന്നത്തെ ഏഴു മണിക്കൂർ ചോദ്യം ചെയ്യലിന് ശേഷം ബിഷപ്പ് ഫ്രാങ്കോ മുളയ്ക്കൽ മടങ്ങി.  ബിഷപ്പിനെ അറസ്റ്റ് നടക്കാത്തതിനെ തുടർന്ന് കന്യാസ്ത്രീകൾ സമരം ശ്കതമാക്കി. അതേസമയം   ചോദ്യം ചെയ്യൽ നാളെയും തുടരുമെന്നു എസ്പി ഹരിശങ്കർ മാധ്യമങ്ങളോട് പറഞ്ഞു. നാളെ 10.30നു ബിഷപ്പ് വീണ്ടും ഹാജരാകണം. പല മൊഴികളിലും വ്യക്തത വരാനുണ്ട്. വിശദമായ പരിശോധന ആവശ്യമാണ്. ചോദ്യം ചെയ്യലിന്റെ ഈ ഘട്ടത്തിൽ അറസ്റ്റിലേക്ക് കടക്കാനാകില്ല.  അന്വേഷണം പൂർത്തിയായാൽ മാത്രമേ അറസ്റ്റിൽ തീരുമാനമെടുക്കു എന്നും, മൂന്ന് സംഘങ്ങളായി തിരിഞ്ഞു മൊഴി വിശദമായി പരിശോധിക്കുമെന്നും അദ്ദേഹം പറഞ്ഞു.