കൊച്ചി: കന്യാസ്ത്രീക്കെതിരെ മോശം പരാമര്‍ശം നടത്തിയ പിസി ജോര്‍ജ്ജ് നേരിട്ട് ഹാജരായി വിശദീകരണം നല്‍കണമെന്ന ദേശിയ വനിതാ കമ്മീഷന്‍റെ നോട്ടീസിനെതിരെ പി.സി. ജോര്‍ജ്ജ് ഹെെക്കോടതിയില്‍ സമര്‍പ്പിച്ചിരുന്ന ഹര്‍ജി പിന്‍വലിച്ചു. വനിതാകമ്മീഷനില്‍ നേരിട്ട് ഹാജരായി വിശദീകരണം നല്‍കിയ ശേഷം ഹര്‍ജി പരിഗണിക്കാമെന്ന നിലപാടായിരുന്നു ഹെെക്കോടതി സ്വീകരിച്ചത്. തുടര്‍ന്ന് ഹര്‍ജി പിന്‍വലിക്കുകയായിരുന്നു.
ജലന്ധര്‍ ബിഷപ്പിനെതിരെ ആരോപണം ഉന്നയിച്ച കന്യാസ്ത്രീക്കും ഇവര്‍ക്കൊപ്പമുള്ള മറ്റ് കന്യാസ്ത്രീകള്‍ക്കുമെതിരെ അപകീര്‍ത്തികരമായ പരാമര്‍ശം നടത്തിയെന്നാരോപിച്ചാണ് ദേശീയ വനിതാ കമ്മീഷന്‍ ഈ മാസം 20 ന് ഹാജരാകണമെന്ന് കാണിച്ച് ജോര്‍ജ്ജിന് നോട്ടീസ് നല്‍കിയത്. തനിക്ക് 17 നാണ് നോട്ടീസ് ലഭിച്ചതെന്നും ചുരുങ്ങിയ സമയത്തിനുള്ളില്‍ നേരിട്ട് ഹാജരാകാന്‍ ബുദ്ധിമുട്ടുണ്ടെന്ന് അദ്ദേഹം അറിയിച്ചിരുന്നു.
Post Your Comments