സൂപ്പർ താരത്തെ പിന്നിലാക്കി നേട്ടം കൈവരിച്ച് ലയണൽ മെസി. ചാംപ്യന്‍സ് ലീഗില്‍ പിഎസ്‌വി ഐന്തോവാനെതിരെ ഹാട്രിക് നേടിയതോടെ നേട്ടങ്ങളുടെ ഒഴുക്കാണ് ബാഴ്‌സലോണയുടെ ഈ താരം. യുറോപ്പിലെ ചാംപ്യന്‍മാരുടെ പോരാട്ടത്തില്‍ എട്ടുതവണ ഹാട്രിക് നേടിയ താരമാണ് മെസി. അതേസമയം, എതിരാളിയായ ക്രിസ്റ്റിയാനോ റൊണാള്‍ഡോ നേടിയത് ഏഴ് ഹാട്രിക്കുകളാണ്.
മെസിയും റോണോയും തമ്മില്‍ ഹാട്രിക്കുകാരിലെ പോരാട്ടം തുടരുമെങ്കിലും ഇവര്‍ക്കിടയിലേക്ക് മൂന്നാമതൊരാള്‍ അടുത്തെങ്ങും വെല്ലുവിളിയുമായി എത്തില്ലെന്നത് വാസ്തവമാണ്.എന്നാല്‍, മറ്റൊരു നേട്ടവും സ്വന്തമാക്കിയിരിക്കുകയാണ് സൂപ്പര്‍ താരം മെസി. ചാംപ്യന്‍സ് ലീഗിലെ 14 വ്യത്യസ്ത സീസണുകളില്‍ ഗോള്‍ നേടിയെന്ന റെക്കര്‍ഡാണ് താരം കുറിച്ചത്.
റയാന്‍ ഗിഗ്‌സ് (16), റൗള്‍ ഗോണ്‍സാല്‍വസ് (15) എന്നിവരാണ് ഇക്കാര്യത്തില്‍ മെസിക്ക് മുന്നിലുള്ളത്. ഐന്തോവാനെതിരേ നേടിയ ഫ്രീകിക്ക് ഗോള്‍ ഈ വര്‍ഷത്തെ മെസിയുടെ എട്ടാമത്തെ ഡയറക്ട് ഫ്രീകിക്ക് ഗോളാണ്.
Post Your Comments