എം.എല്‍.എമാരുടെ ശമ്പളം വര്‍ധിപ്പിച്ചു : 45,589 രൂപയുടെ വര്‍ദ്ധനവാണ് ഉണ്ടായത്

അഹമ്മദാബാദ്: എം.എല്‍.എമാരുടെ ശമ്പളം വര്‍ദ്ധിപ്പിച്ചു. 45,589 രൂപയുടെ വര്‍ദ്ധനവാണ് ഉണ്ടായിരിക്കുന്നത്. ഗുജറാത്തിലാണ് ശമ്പള വര്‍ധനവ് നടപ്പിലാക്കിയിരിക്കുന്നത്. ഇത് സംബന്ധിച്ച ബില്‍ ഗുജറാത്ത് സംസ്ഥാന നിയമസഭ പാസാക്കി. ദേശീയ മാധ്യമമാണ് ഇക്കാര്യം റിപ്പോര്‍ട്ട് ചെയ്തത്. ഇതോടെ 70,727 രൂപ ആയിരുന്ന പ്രതിമാസ ശമ്പളം ം 1,16,316 രൂപയായി വര്‍ധിക്കും. കഴിഞ്ഞ വര്‍ഷം ഡിസംബര്‍ 22 മുതല്‍ മുന്‍കാലപ്രാബല്യത്തോടെയാണ് ശമ്പളം കൂട്ടിയത്. എം.എല്‍.എമാരുടെ ദിവസ ബത്ത 200 രൂപയായിരുന്നത് 1000 രൂപയായും കൂട്ടിയിട്ടുണ്ട്.

182 എംഎല്‍എമാരാണ് ഗുജറാത്ത് നിയമസഭയിലുള്ളത്. കഴിഞ്ഞ വര്‍ഷം ഡിസംബറിലാണ് സംസ്ഥാനത്ത് തെരഞ്ഞെടുപ്പ് നടന്നത്.