തിരുവമ്പാടിയിലാണ് വ്യത്യസ്തനായൊരു മോഷ്ടാവ് അറസ്റ്റിലായത്. ആഡംബര കാറിൽ ചുറ്റി നടന്ന് കാർഷിക വിളകൾ മോഷ്ട്ടിക്കുന്ന തിരുവമ്പാടി മരക്കാട്ടുപുറം കല്ലുമുട്ടക്കുന്ന് സുനില്‍ ആണ് പിടിയിലായത്. മോഷണത്തിന് ഉപയോഗിച്ച ടവേര കാറും പൊലീസ് പിടിച്ചെടുത്തു.
രാത്രി പെട്രോളിംഗിനിടെ തിരുവമ്പാടി സ്റ്റേഷനിലെ അഡീഷനല്‍ എസ്.ഐ സദാനന്ദന്‍റെ നേതൃത്വത്തിലുള്ള പൊലീസ് സംഘം സംശയാസ്പദമായ സാഹചര്യത്തിൽ സുനിലിനെ പിടികൂടിയത്. പുലര്‍ച്ചെ ഒന്നരയോടെ തിരുവമ്പാടി പുന്നക്കല്‍ റോഡില്‍ കണ്ട കെ.എല്‍ 51 എ 1075 ടവേര കാറിൽ ആറ് ചാക്ക് അടക്ക കണ്ടെത്തുകയായിരുന്നു.
ചോദ്യം ചെയ്തപ്പോൾ പരസ്പര വിരുദ്ധമായി സംസാരിച്ചതാണ് സംശയം തോന്നാനിടയാക്കിയത്. തുടർന്ന് സ്റ്റേഷനിൽ എത്തിച്ച് ചോദ്യം ചെയ്തപ്പോഴാണ് ആഡംബര കാറിൽ കറങ്ങി മോഷണം നടത്തുന്ന സുനിലിന്റെ തനി നിറം പുറത്തായത്. താമരശ്ശേരി കോടതിയില്‍ ഹാജരാക്കിയ പ്രതിയെ 14 ദിവസത്തേക്ക് റിമാന്‍റ് ചെയ്തു. മാവൂരില്‍ നിന്നും 500 റബര്‍ ഷീറ്റുകള്‍ മോഷ്ടിച്ച സംഭവത്തില്‍ ഇയാള്‍ക്കെതിരെ കേസ് നിലവിലുണ്ടെന്നും പൊലീസ് വ്യക്തമാക്കി.
Post Your Comments