ഒന്നര മണിക്കൂറില്‍ രൂപയ്ക്ക് കനത്ത ഇടിവ്

മുംബൈ: ഒന്നര മണിക്കൂറില്‍ രൂപയുടെ മൂല്യത്തിൽ കനത്ത ഇടിവ്. എക്കാലത്തെയും താഴ്ന്ന നിരക്കായ 72.35ലേക്ക് രൂപ കൂപ്പുകുത്തിയിരിക്കുകയാണ് ഇന്ത്യൻ രൂപ. അമേരിക്കന്‍ ഡോളറിനെതിരെ ഇന്ത്യന്‍ രൂപയുടെ മൂല്യം ഇടിയുന്ന അവസ്ഥ തുടരുകയാണ്. ഇന്നുരാവിലെ വ്യാപാരം തുടങ്ങി ഒന്നര മണിക്കൂറിനുള്ളില്‍ തന്നെ 67 പൈസയുടെ ഇടിവാണുണ്ടായത്.

Read also:ദുബായിയില്‍ യുവതിയുടെ പാസ്‌പോര്‍ട്ടും പണവും നഷ്ടമായി; പിന്നീട് നടന്നത് നാടകീയ സംഭവങ്ങള്‍

വെള്ളിയാഴ്ച്ച 71.73ലാണ് രൂപയുടെ വ്യാപാരം ക്ലോസ് ചെയ്തത്. ഇന്ന് രാവിലെ ഒന്‍പത് മണിക്ക് വ്യാപാരം തുടങ്ങിയപ്പോള്‍ തന്നെ എക്കാലത്തെയും താഴ്ന്ന നിരക്കായ 72.18ല്‍ എത്തി. തുടര്‍ന്ന് 9.40ന് വീണ്ടും ഇടിഞ്ഞ് 72.28ലായിരുന്നു വ്യാപാരം നടന്നത്. 10.20ന് ഇത് 72.35ലെത്തി. ഏറ്റവുമൊടുവില്‍ തിങ്കളാഴ്ച രാവിലെ 10.35ലെ കണക്ക് അനുസരിച്ച് 72.40ലാണ് ഡോളറിനെതിരെ വ്യാപാരം പുരോഗമിക്കുന്നത്.