വെസ്റ്റ്‌ ബംഗാള്‍: പ്രമുഖ നടിയെ ഹോട്ടല്‍ മുറിയില്‍ മരിച്ച നിലയില്‍ കണ്ടെത്തി. ബംഗാളി സിനിമ നടി പായല്‍ ചക്രബര്‍ത്തിയെയാണ് ദുരൂഹസാഹചര്യത്തില്‍ ഹോട്ടൽ മുറിക്കുള്ളിൽ മരിച്ച നിലയില്‍ കണ്ടെത്തിയത്. സിലിഗുരിയിലുള്ള ഹോട്ടല്‍ മുറിയില്‍ കഴിഞ്ഞ ദിവസം വൈകുന്നേരതോടെയാണ് നടിയെ മരിച്ച നിലയില്‍ കണ്ടെത്തിയത്.
ALSO READ: ഗൃഹനാഥനെ ബസില്‍ മരിച്ച നിലയില്‍ കണ്ടെത്തി
#WestBengal: Bengali actor Payel Chakraborty was found dead in a hotel room in Siliguri last evening; Police investigation underway. pic.twitter.com/HvDzALbsf2
— ANI (@ANI) September 6, 2018
കഴിഞ്ഞ ദിവസം ഗാങ്‌ടോക്കിലേക്ക് പോകുന്നതിനായി സിലിഗുരിയിലെ ഹോട്ടലില്‍ മുറിയെടുത്തതാണ് പായല്‍. രാത്രി ഹോട്ടലില്‍ തങ്ങിയ നടി രാവിലെ ഏറെനേരമായിട്ടും പുറത്തുവരാത്തതോടെ ജീവനക്കാര്‍ക്ക് സംശയം തോന്നി. വാതിലില്‍ ഏറെ നേരം മുട്ടി വിളിച്ചിട്ടും തുറക്കാത്തതിനാല്‍ പൊലീസില്‍ അറിയിക്കുകയായിരുന്നു. പൊലീസ് എത്തി അകത്തുനിന്ന് പൂട്ടിയ മുറി തുറന്ന് പരിശോധിച്ചപ്പോഴാണ് നടിയെ മരിച്ച നിലയില്‍ കണ്ടെത്തിയത്. പോലിസ് കേസ് രജിസ്റ്റർ ചെയ്‌ത്‌ അന്വേഷണം ആരംഭിച്ചു.
Post Your Comments