തിരുവനന്തപുരം: നടൻ മോഹൻലാൽ ബിജെപി സ്ഥാനാര്‍ത്ഥിയായി തിരുവനന്തപുരത്തു നിന്ന് ലോക്‌സഭയിലേക്ക് മത്സരിക്കാനൊരുങ്ങുന്നു എന്ന വാർത്തയിൽ പ്രതികരണവുമായി പ്രതിപക്ഷനേതാവ് രമേശ് ചെന്നിത്തല. താന്‍ മനസിലാക്കിയിടത്തോളം നടന്‍ മോഹന്‍ലാല്‍ ഒരു മഹാനായ വ്യക്തിയാണ്. അദ്ദേഹം അങ്ങനെയൊരു വിഡ്ഢിത്തം കാണിക്കുമെന്ന് കരുതാൻ വയ്യ. അതിന് കാത്തിരിക്കുന്നവര്‍ നിരാശരാകാനേ വഴിയുള്ളുവെന്ന് രമേശ് ചെന്നിത്തല പറയുകയുണ്ടായി. തിരുവനന്തപുരം പ്രസ് ക്ളബ്ബിന്റെ പ്രളയാനന്തരം എന്ന പരിപാടിയിൽ പങ്കെടുത്ത് സംസാരിക്കുകയായിരുന്നു അദ്ദേഹം.
കഴിഞ്ഞ ദിവസം പ്രധാനമന്ത്രി നരേന്ദ്ര മോദിയുമായി മോഹൻലാൽ കൂടിക്കാഴ്ച നടത്തിയിരുന്നു. എന്നാൽ താന്‍ പ്രധാനമന്ത്രിയുമായി നടത്തിയത് രാഷ്ട്രീയ ചര്‍ച്ചകളല്ലെന്നും മറ്റുചില ആവശ്യങ്ങള്‍ അറിയിക്കുന്നതിനും ചര്‍ച്ച ചെയ്യുന്നതിനുമാണ് കൂടിക്കാഴ്ച നടത്തിയതെന്നും മോഹന്‍ലാല്‍ വ്യക്തമാക്കിയിരുന്നു.
Post Your Comments