ഏഷ്യൻ ഗെയിംസ് ഹോക്കി: ജപ്പാനോട് തോറ്റ് ഇന്ത്യൻ വനിതകൾക്ക് വെള്ളി

ജക്കാർത്ത: ഏഷ്യൻ ഗെയിംസ് ഹോക്കിയിലൂടെ ചരിത്ര സ്വർണം സ്വന്തമാക്കാമെന്ന ഇന്ത്യൻ വനിതകളുടെ മോഹങ്ങൾക്ക് തടയിട്ട് ജപ്പാൻ. ഫൈനലില്‍ ജപ്പാനോട് 1-2 എന്ന സ്കോറിനു ഇന്ത്യ പരാജയപ്പെട്ടതോടെ സ്വർണം പ്രതീക്ഷിച്ചിരുന്ന ഇന്ത്യൻ ആരാധകർ നിരാശരായി. 2014 ഏഷ്യൻ ഗെയിംസിൽ ലഭിച്ച വെങ്കല മെഡൽ നേട്ടം മെച്ചപ്പെടുത്തി വെള്ളി മെഡലോടു കൂടിയാണ് ഇന്ത്യ മടങ്ങുന്നത്.

Also Read: ഇന്ത്യൻ പുരുഷ സ്ക്വാഷ് ടീമിന് ഏഷ്യൻ ഗെയിംസിൽ വെങ്കലം

കളിയുടെ 11ാം മിനുട്ടില്‍ ഷിംസുവിന്റെ ഗോളില്‍ ജപ്പാനാണ് മുന്നിലെത്തിയതെങ്കിലും 25ാം മിനുട്ടിൽ നേഹ ഇന്ത്യയ്ക്ക് സമനില ഗോൾ നേടിക്കൊടുത്തു. . 44ാം മിനുട്ടില്‍ കവാമുരയാണ് ജപ്പാന്റെ വിജയ ഗോള്‍ നേടിയത്. മികച്ച മുന്നേറ്റങ്ങൾ നടത്തിയെങ്കിലും ഇന്ത്യൻ വനിതകൾക്ക് ഗോൾ കണ്ടെത്തതാണ് സാധിച്ചില്ല. ഇതോടെ മത്സരം ജപ്പാൻ സ്വന്തമാക്കുകയായിരുന്നു.