ക്രിക്കറ്റ് കളിക്കിടയിലെ കുട്ടികളുടെ തർക്കം അവസാനിച്ചത് വെടിവെപ്പിൽ

നോയിഡ: ക്രിക്കറ്റ് കളിക്കിടെ കുട്ടികൾ തമ്മിൽ ഉണ്ടായ തർക്കം അവസാനിച്ചത് വെടിവെപ്പിൽ. ഉത്തർപ്രദേശിലെ ഗ്രെയ്റ്റർ നോയിഡയിൽ ബുധനാഴ്ചയാണ് സംഭവം നടന്നത്. വെടിവെപ്പിൽ അഞ്ചു പേർക്ക് പരിക്കേറ്റു.

മുഹമ്മദ് റിസ്‌വാന്‍, നസീം, മുഹമ്മദ് ആരിഫ്, വഖില്‍ ഖാന്‍, ഉമര്‍ ഖാന്‍ എന്നിവര്‍ക്കാണ് പരിക്കേറ്റത്. ഇതിൽ റിസ്‌വാന്റെ നില ഗുരുതരം ആണ്. റിസ്‌വാന്റെ കുടുംബക്കാർ നൽകിയ പരാതിയിൽ 5 പേർക്കെതിരെ കേസെടുത്തു. കൊലപാതകകുറ്റം അടക്കം ഉള്ളവ ചുമത്തിയാണ് കേസ് എടുത്തത്.

ഒളിവിൽ പോയ പ്രതികൾക്കായി പോളിസി തിരച്ചിൽ നടത്തുകയാണ്.ഐ പി സി 307, 147, 148, 149 വകുപ്പുകള്‍ പ്രകാരമാണ് പ്രതികള്‍ക്കെതിരെ കേസ് എടുത്തിരിക്കുന്നത്.