മുംബൈ•മാധ്യമപ്രവര്‍ത്തകയെ നോക്കി സ്വയംഭോഗം ചെയ്ത ഓട്ടോ ഡ്രൈവര്‍ പോലീസ് പിടിയിലായി. കഴിഞ്ഞ ബുധനാഴ്ച മുംബൈ മലാഡ് ലിങ്ക് റോഡില്‍ നിന്ന് ബോറിവാലിയിലേക്ക് ഓട്ടോറിക്ഷ വിളിച്ച മാധ്യമപ്രവര്‍ത്തകയ്ക്കാണ് ദുരനുഭവമുണ്ടായത്. സംഭവത്തില്‍ ഓട്ടോഡ്രൈവറായ മുംബൈ സ്വദേശി രാജ്ബഹദൂര്‍ പാല്‍ എന്ന 37 കാരനെ പോലീസ് അറസ്റ്റ് ചെയ്തിട്ടുണ്ട്.
READ ALSO: സഹപ്രവര്‍ത്തകയുടെ അശ്ലീല ചിത്രങ്ങള്‍ പ്രചരിപ്പിച്ചയാള്‍ അറസ്റ്റില്‍
ഓട്ടോയില്‍ കയറിയ സമയം മുതല്‍ ഡ്രൈവര്‍ അശ്ലീല പരിപാടി തുടങ്ങിയെന്ന് യുവതി പോലീസില്‍ നല്‍കിയ പരാതിയില്‍ പറയുന്നു. ഓട്ടോയില്‍ കയറി അല്‍പസമയത്തിനകം രാജ്ബഹദൂര്‍ വിജനമായ റോഡിലേക്ക് കൊണ്ടുപോയി. ഇതിനിടെ പാന്റ്‌സ് അഴിക്കുകയും യുവതിക്ക് നേരേ തിരിഞ്ഞ് സ്വയംഭോഗം ചെയ്യാന്‍ തുടങ്ങുകയും ചെയ്തു. ഈസമയം ഒരു സുഹൃത്തുമായി ഫോണില്‍ സംസാരിക്കുകയായിരുന്ന യുവതി ഓട്ടോ ഡ്രൈവറുടെ പെരുമാറ്റത്തെക്കുറിച്ച് സുഹൃത്തിനോട് സൂചിപ്പിച്ചിരുന്നു.
സംഭവം പന്തിയല്ലെന്ന് കണ്ടതോടെ വേഗതകുറഞ്ഞ തക്കത്തില്‍ യുവതി ഓട്ടോയില്‍നിന്ന് ചാടി രക്ഷപ്പെടുകയായിരുന്നു. തുടര്‍ന്ന് ഇവര്‍ പോലീസ് സ്റ്റേഷനിലെത്തി പരാതി നല്‍കുകയായിരുന്നു. തനിക്കുണ്ടായ ദുരനുഭവം യുവതി സോഷ്യല്‍ മീഡിയയിലും പങ്കുവച്ചിട്ടുണ്ട്.
Post Your Comments