സദ്യയ്ക്ക് വിളമ്പാന്‍ പാവയ്ക്ക കൊണ്ടാട്ടം

ഓണ സദ്യയ്ക്ക് ശര്‍ക്കര വരട്ടിയുടേയും ചിപ്‌സിന്റെയും കൂടെ കഴിക്കുന്ന ഒരു വിഭവമാണ് പാവയ്ക്ക കൊണ്ടാട്ടം. ഇത് തയാറാക്കാനും വളരെ എളുപ്പമാണ്. കുറഞ്ഞ സമയംകൊണ്ട് തയാറാക്കാന്‍ കഴിയുന്ന ഒരു ഓണ വിഭവം കൂടിയാണ് പാവയ്ക്ക കൊണ്ടാട്ടം. അത് തയാറക്കുന്നത് എങ്ങനെയെന്ന് അറിയാം

ചേരുവകള്‍

പാവയ്ക്ക – 2 എണ്ണം
മഞ്ഞള്‍പ്പൊടി – പാകത്തിന്
ഉപ്പ് – പാകത്തിന്

തയ്യാറാക്കുന്ന വിധം

പാവയ്ക്ക വൃത്തിയായി കഴുകിയശേഷം അധികം കനമില്ലാതെ വട്ടത്തില്‍ അരിഞ്ഞെടുക്കുക. ഈ കഷ്ണങ്ങളില്‍ പാകത്തിന് ഉപ്പും മഞ്ഞള്‍പ്പൊടിയും പുരട്ടി ആവിയില്‍ വാട്ടിയെടുക്കുക. നന്നായി വാടിയ ശേഷം വാങ്ങിവെക്കുക.

ഇനി ഈ കഷ്ണങ്ങള്‍ ഒരു പ്ലാസ്റ്റിക്ക് ഷീറ്റിലോ പായയിലോ നിരത്തി നല്ല വെയിലില്‍ ഉണക്കിയെടുക്കുക. പാവക്ക കഷണങ്ങള്‍ നന്നായി ഉണങ്ങി ക്രിസ്പി പരുവത്തിലായ ശേഷം ഭരണിയിലോ പാത്രത്തിലോ അടച്ചുവെക്കാം. ആവശ്യാനുസരണം എണ്ണയില്‍ വറുത്ത് ഉപയോഗിക്കാം.