കമൽഹാസനൊപ്പം അഭിനയിച്ചു കഴിഞ്ഞാൽ ഒരു പ്രശ്നം ഉണ്ടെന്ന് നടി ആൻഡ്രിയ

കമൽഹാസനൊപ്പം ഒപ്പം അഭിനയിച്ചു കഴിഞ്ഞാൽ ഒരു പ്രശ്‌നം തന്നെ പിന്തുടരും എന്ന് നടി ആൻഡ്രിയ. ആ പ്രശ്നം മറ്റൊന്നും അല്ല, അദ്ദേഹത്തിന്റെ പെർഫെക്ഷൻ ആണ്. കമലിനൊപ്പം വർക്ക് ചെയ്തതിനു ശേഷം അടുത്ത സെറ്റിൽ പോകുമ്പോൾ ഈ പെർഫെക്ഷൻ ലഭിക്കാത്തത് വളരെ നിരാശ നൽകുന്നുവെന്നും ആൻഡ്രിയ. പെര്‍ഫെക്ഷനു വേണ്ടി താന്‍ ചെയ്യുന്ന വര്‍ക്ക് വീണ്ടും വീണ്ടും ആവര്‍ത്തിക്കുന്നത് അദ്ദേഹത്തിന്റെ പ്രത്യേകതകളിലൊന്നാണ്. കാരണം ഇതുവരെയുണ്ടായിട്ടുള്ളതില്‍ നിന്ന് മികച്ചതായ , അല്ലെങ്കില്‍ പുതുതായ എന്തെങ്കിലും അവതരിപ്പിക്കാനാണ് അദ്ദേഹത്തിന്റെ ശ്രമമെന്നും ആൻഡ്രിയ വ്യക്തമാക്കുന്നു.

വിശ്വരൂപം 2 വുമായി ബന്ധപ്പെട്ട ഒരു ഇന്റർവ്യൂവിൽ ആണ് ആൻഡ്രിയ ഇക്കാര്യം വെളിപ്പെടുത്തിയത്. ചലച്ചിത്രരംഗത്തെ സ്ത്രീപുരുഷ വിവേചനത്തിനെ പറ്റിയും ആൻഡ്രിയ തുറന്നു പറഞ്ഞു. കിട്ടുന്ന വേതനത്തിൽ പോലും വിവേചനം ഉണ്ട്. സൂപ്പർസ്റ്റാറുകൾ എന്നും പുരുഷന്മാർ ആണ് , അവരെക്കാൾ കുറഞ്ഞ വേതനമേ നടിക്ക് കിട്ടുകയുള്ളു. ലേഡി സൂപ്പർസ്റ്റാറുകൾ സിനിമയിൽ വളരെ കുറവാണു. ഇവിടെ കഥ രചിക്കപെടുന്നത് പോലും പുരുഷന്മാർക്ക് വേണ്ടിയാണു.

ആഗസ്റ്റ് 10നാണ് വിശ്വരൂപം 2 തീയറ്ററിലെത്തിയത്. ചിത്രത്തിന്റെ രചനയും സംവിധാനവും കമല്‍ഹാസനാണ്. ആഗോള ഭീകരവാദത്തിന്റെ പശ്ചാത്തലത്തില്‍ ഒരു കശ്മീരി മുസ്ലീം ഉദ്യോഗസ്ഥന്റെ പ്രവര്‍ത്തനവും വെല്ലുവിളികളുമാണ് ചിത്രത്തിന്റെ പ്രമേയം.