കൊച്ചി : മത്സ്യബന്ധന ബോട്ടിൽ കപ്പലിടിച്ച് മൂന്നു മത്സ്യത്തൊഴിലാളികൾ മരിച്ചു. ബോട്ടിലുണ്ടായിരുന്ന എട്ടു പേരെക്കുറിച്ച് വിവരങ്ങൾ ലഭിച്ചിട്ടില്ലെന്ന് പോലീസ് വ്യക്തമാക്കി. എന്നാൽ രണ്ടുപേരെ രക്ഷിക്കാനായിട്ടുണ്ട് . അപകടത്തിപ്പെട്ടവരിൽ ഒരു മലയാളി മാത്രമാണ് ഉണ്ടായിരുന്നത്. മുനമ്പത്ത് നിന്നുപോയ ഓഷ്യാന എന്ന ബോട്ടാണ് അപകടത്തിൽപ്പെട്ടത്. അപകടത്തിൽപ്പെട്ടത് കുളച്ചൽ സ്വദേശികളാണ്.
ഇടിച്ച കപ്പൽ ഏതാണെന്ന കാര്യത്തിൽ പരിശോധന നടത്തി വരുന്നതേയുള്ളൂ. പുലർച്ചെ 3 മണിക്കാണ് അപകടം നടന്നത്. അപകടത്തില്‍ ബോട്ട് പൂർണമായി തകർന്നു. കപ്പൽ ഇടിച്ചതോടെ ബോട്ടിൽ ഉണ്ടായിരുന്ന തൊഴിലാളികൾ കടലിലേക്ക് തെറിച്ചു വീഴുകയായിരുന്നു. വടക്കൻ പറവൂർ സ്വദേശിയും ബോട്ടിൽ ഉണ്ടായിരുന്നു. കോസ്റ്റ്ഗാർഡ് ഉടൻ തിരച്ചിലിനായി പുറപ്പെടും.
Post Your Comments