റിയാദ്: പുതിയ വിസയെടുത്ത് സൗദിയില്‍ എത്തിയ ആള്‍ താമസസ്ഥലത്ത് കുഴഞ്ഞുവീണു മരിച്ചു. തൃശൂര്‍ അഴീക്കോട് ജെട്ടി സ്വദേശി കൊല്ലം പറമ്പില്‍ നൗഷാദ് ആണ് മരിച്ചത്. ജീവിതപ്രരാബ്ദത്തെ തുടര്‍ന്നാണ് വീട്ടുജോലിക്കാരന്റെ വിസയില്‍ വീണ്ടും സൗദിയിലെത്തിയത് . ഇഖാമയ്ക്ക് വേണ്ടി ഹാജരാക്കേണ്ട മെഡിക്കല്‍ പരിശോധനാ റിപ്പോര്‍ട്ടിന് വേണ്ടി മലസിലെ ഒരു ക്ലിനിക്കില്‍ പോയി റൂമില്‍ മടങ്ങിയെത്തിയ നൗഷാദ് കുഴഞ്ഞുവീഴുകയായിരുന്നു. മൃതദേഹം ശുമൈസി ആശുപത്രിയില്‍ സൂക്ഷിച്ചിരിക്കുകയാണ്. നടപടികള്‍ പൂര്‍ത്തിയാക്കി തിങ്കളാഴ്ച വൈകുന്നേരത്തോടെ മൃതദേഹം നാട്ടില്‍ തിരികെയെത്തിക്കും.
Post Your Comments