ദുബായിൽ കാമുകിയെ ഇടിച്ചു കൊന്ന പ്രവാസി അറസ്റ്റിൽ

ദുബായ്: കാമുകിയെ ഇടിച്ചു കൊന്ന പ്രവാസി അറസ്റ്റിൽ. ദുബായ് മറീനയിലാണ് സംഭവം. മറ്റൊരു എമിറേറ്റിലായിരുന്ന യുവാവ് തന്റെ കാമുകിക്കോപ്പം കുറച്ചു ദിവസംകഴിയുന്നതിനായാണ് ദുബായിൽ എത്തിയത്. രണ്ട് ദിവസം മുൻപ് യുവതിയുടെ അപ്പാർട്ട്മെന്റിൽ വെച്ച് ഇരുവരും തമ്മിൽ വാക്കുതർക്കം ഉണ്ടായി. ഇതേ തുടർന്ന് യുവാവ് പെൺകുട്ടിയുടെ മൂക്കിൽ ഇട്യ്ക്കുകയായിരുന്നു.സംഭവത്തെ തുടർന്ന് മൂക്കിൽ നിന്ന് രക്തം വാർന്ന് പെൺകുട്ടി മരിക്കുകയായിരുന്നു.

ALSO READ: വെസ്റ്റ് ബാങ്കില്‍ ഇസ്രേലി യുവാവിനെ 17കാരന്‍ കുത്തിക്കൊന്നു

സംഭവത്തിന് ശേഷം യുവാവ് അവിടെ നിന്നും ഓടി രക്ഷപ്പെടുകയായിരുന്നു. പെൺകുട്ടി തുടർച്ചയായി രണ്ട് ദിവസം ഓഫീസിൽ എത്താതിരുന്നതോടെ കൂട്ടുകാർ പെൺകുട്ടിയെ തേടി അപ്പാർട്ട്മെന്റിൽ എത്തി. രക്തത്തിൽ കുളിച്ചു കിടക്കുന്ന പെൺകുട്ടിയുടെ മൃതദേഹമാണ് കൂട്ടുകാർ കണ്ടത്. തുടർന്ന് പോലീസിനെ വിവരമറിയിച്ചു. പോലീസ് നടത്തിയ അന്വേഷണത്തിനൊടുവിലാണ് കാമുകൻ പിടിയിലായത്. ഇയാൾ കുറ്റം സമ്മതിച്ചിട്ടുണ്ട്.