കൊച്ചി: സിനിമയില്‍ അവസരം നല്‍കാമെന്ന് പറഞ്ഞ് പീഡിപ്പിച്ച സംഭവത്തില്‍ ഫോട്ടോഗ്രാഫര്‍ പിടിയില്‍. പെരുമ്പാവൂര്‍ സ്വദേശിയായ ഫോട്ടോഗ്രാഫര്‍ സുഭാഷ് മന്ത്രയാണ് ഫെയ്‌സ്ബുക്കിലൂടെ പരിചയപ്പെട്ട പെണ്‍കുട്ടിയ പീഡിപ്പിച്ചത്. ഫേസ്ബുക്ക് പോസ്റ്റിലൂടെയാണ് സുഭാഷ് തന്നെ സിനിമയില്‍ അവസരം നല്‍കാമെന്ന് വാഗ്ദാനം ചെയ്ത് ക്ഷണിച്ച് പീഡിപ്പിച്ചുവെന്നാണ് പെരുമ്പാവൂര്‍ സ്വദേശിനിയായ പരാതിക്കാരി നല്‍കിയിരിക്കുന്ന പരാതിയില്‍ പറഞ്ഞിരിക്കുന്നത്.
പെണ്‍കുട്ടി ഫേസ്ബുക്ക് പോസ്റ്റിലൂടെയാണ് തന്നെ പീഡിപ്പിച്ച വിവരം തുറന്നുപറഞ്ഞത്. പെണ്‍കുട്ടി നല്‍കിയ രഹസ്യ മൊഴിയുടെ അടിസ്ഥാനത്തിലാണ് സുഭാഷിനെ അറസ്റ്റ് ചെയ്തത്. പെണ്‍കുട്ടിയുടെ ഫെയ്‌സ്ബുക്ക് പോസ്്റ്റ് വാര്‍ത്തയായതിന് പിന്നാലെ സംഭവത്തില്‍ വനിതാ സെല്‍ ഇടപെടുകയും പെണ്‍കുട്ടിയുടെ രഹസ്യ മൊഴി രേഖപ്പെടുത്തുകയും ചെയ്തു. സിനിമാ മേഖലയുമായി ബന്ധമില്ലാത്ത സുഭാഷ് തനിക്ക് സിനിമയില്‍ ബന്ധമുണ്ടെന്ന് വിശ്വസിപ്പിച്ചാണ് പെണ്‍കുട്ടികളെ സമീപിച്ചിരുന്നതെന്ന് പൊലീസ് വ്യക്തമാക്കി.
Also Read : പ്രായപൂര്‍ത്തിയാവാത്ത പെണ്‍കുട്ടിയെ പീഡിപ്പിച്ച് ഗര്‍ഭിണിയാക്കിയ വയോധികന്‍ അറസ്റ്റില്‍
ചില ചെറുചിത്രങ്ങള്‍ സംവിധാനം ചെയ്തിട്ടുണ്ടെങ്കിലും സിനിമാ മേഖലയുമായി ഇയാള്‍ക്ക് യാതൊരു ബന്ധവുമില്ല. സിനിമയ്ക്ക് ആണെന്ന വ്യാജേന ഇയാള്‍ ഫോട്ടോ ഷൂട്ടുകളും നടത്തിയിരുന്നുവെന്നും പൊലീസ് പറയുന്നു. കൊച്ചിയിലെ തുറിച്ചു നോട്ടങ്ങള്‍ക്കെതിരെ ഫോട്ടോഗ്രാഫി ക്യാംപെയ്ന്‍ തുടങ്ങിയ വ്യക്തിയാണ് സുഭാഷ്. വോയെജ് ഓഫ് ടൈം ഫോട്ടോ ഷൂട്ടിന്റെ ക്രിയേറ്റീവ് ഹെഡായിരുന്നു ഇയാള്‍.
Post Your Comments