ആന്‍ഡ്രോയ്ഡ് ഫോണുകളില്‍ ശല്യപ്പെടുത്തുന്നതും സ്പാം ആയതുമായ കോളുകള്‍ എങ്ങനെ ഫില്‍ട്ടര്‍ ചെയ്യാം?

നിങ്ങള്‍ എന്തെങ്കിലും പ്രധാനപ്പെട്ട കാര്യത്തിന്റെ നടുവില്‍ നില്‍ക്കുമ്പോഴോ അല്ലെങ്കില്‍ സുഹൃത്തുക്കള്‍ക്കൊപ്പം ചെലവഴിക്കുന്ന സമയത്തോ ആകും നിങ്ങളുടെ സ്മര്‍ട്ട്ഫോണില്‍ ഒരു ശല്യപ്പെടുത്തുന്ന കോള്‍ എത്തുക. അത് തികച്ചും അലോസരപ്പെടുത്തുന്നതായിരിക്കും. ഇത്തരം ശല്യപ്പെടുത്തുന്ന കോളുകളെ നിയന്ത്രിക്കാന്‍ തങ്ങളുടെ ഫോണ്‍ ആപ്പില്‍ പുതിയ ഫീച്ചറുമായി ഗൂഗിള്‍ ഇപ്പോള്‍ എത്തിയിരിക്കുകയാണ്. ഈ സൗകര്യം എങ്ങനെ നിങ്ങളുടെ ആന്‍ഡ്രോയ്ഡ് സ്മാര്‍ട്ട്‌ഫോണില്‍ ആക്ടീവ് ആക്കാമെന്ന് നോക്കാം.

സ്റ്റെപ്പ് 1: നിങ്ങളുടെ സ്മാര്‍ട്ട്‌ ഫോണിലെ ഡിഫോള്‍ട്ട് ഫോണ്‍ ആപ്പ് തുറക്കുക

സ്റ്റെപ്പ് 2 : വലതുവശത്തെ മൂന്ന് ഡോട്ടുകളില്‍ ടാപ് ചെയ്യുക

സ്റ്റെപ്പ് 3: ‘മോര്‍’ എന്നതില്‍ ക്ലിക്ക് ചെയ്യുക

സ്റ്റെപ്പ് 4: തുടര്‍ന്ന് സെറ്റിംഗ്സ് ഓപ്ഷനില്‍ ക്ലിക്ക് ചെയ്യുക

സ്റെപ്പ് 5: ഇവിടെ നിങ്ങള്‍ക്ക് കോളര്‍ ഐഡി & സ്പാം ഓപ്ഷന്‍ കാണാന്‍ കഴിയും. നിങ്ങളുടെ ഫോണിലെ നിലവിലെ സെറ്റിംഗ്സ് അനുസരിച്ച് ഇത് ഓണ്‍/ഓഫ് ചെയ്യുക.

കോളര്‍ ഐഡി & സ്പാം ഓപ്ഷന്‍ നേരത്തെ തന്നെ ഓണ്‍ ആണോ എന്നത് ഇവിടെ പ്രധാനമാണ്. ഓഫ്‌ ആണെങ്കില്‍ അത് ഓണ്‍ ചെയ്യുക

ചില കോളുകള്‍ മാത്രം സ്പാം ആയി മാര്‍ക്ക് ചെയ്യാനുള്ള സൗകര്യവും ഫോണ്‍ ആപ്പില്‍ ലഭ്യമാണ്. അതിന് ചെയ്യേണ്ടത്:

സ്റ്റെപ്പ് 1: നിങ്ങളുടെ ഫോണില്‍ ഫോണ്‍ ആപ്പ് തുറക്കുക

സ്റ്റെപ്പ് 2: അടുത്തിടെയുള്ള കോളുകളിലേക്ക് പോകുക

സ്റ്റെപ്പ് 3: ഇതില്‍ നിന്നും സ്പാം ആയി മാര്‍ക്ക് ചെയ്യേണ്ട കോള്‍ തെരഞ്ഞെടുക്കുക

സ്റ്റെപ്പ് 4: ടാപ്‌ ചെയ്തു കഴിയുമ്പോള്‍ ബ്ലോക്ക്/റിപ്പോര്‍ട്ട് സ്പാം ഓപ്ഷന്‍ കാണാന്‍ കഴിയും.

സ്റ്റെപ്പ് 5 : ആ നമ്പര്‍ ബ്ലോക്ക് ചെയ്യേണ്ടതുണ്ടോയെന്ന്‍ ആപ്പ് നിങ്ങളോട് ചോദിക്കും.

സ്റ്റെപ്പ് 6: ഇവിടെ നിങ്ങള്‍ക്ക് കാള്‍ സ്പാം ആയി മാത്രം റിപ്പോര്‍ട്ട് ചെയ്യാനും കഴിയും

സ്റ്റെപ്പ് : ഈ ഓപ്ഷന്‍ ലഭ്യമല്ലെങ്കില്‍ ശല്യപ്പെടുത്തുന്ന കോള്‍ ചെയ്യുന്ന നമ്പര്‍ ബ്ലോക്ക് ചെയ്യുക.

ശ്രദ്ധിക്കുക: ആന്‍ഡ്രോയ്ഡ് 6.0 അല്ലെങ്കില്‍ അതിന് മുകളിലുള്ള ഓപ്പറേറ്റിങ് സിസ്റ്റത്തില്‍ പ്രവര്‍ത്തിക്കുന്ന സ്മാര്‍ട്ട്‌ ഫോണ്‍ ഇതിന് ആവശ്യമാണ്.