പാ​വം കു​ട്ടി​ക​ളെ ഞ​ങ്ങ​ള്‍ വീ​ട്ടി​ലെ​ത്തി​ച്ചി​രി​ക്കും; ഗുഹയിൽ കുടുങ്ങിയ കുട്ടികളെ രക്ഷിക്കാൻ ജീവൻ നൽകിയ സമനെ വേദനയോടെ ഓർത്ത് ലോകം

ബാങ്കോക്ക്: തായ്‌ലൻഡിലെ ഗുഹയിൽ കുടുങ്ങിയ കുട്ടികളെയും കോച്ചിനെയും രക്ഷിച്ച വാർത്ത ആശ്വാസത്തോടെയാണ് ലോകംകേട്ടത് . എന്നാൽ ഇതിനിടയിലും വേദനിപ്പിക്കുന്ന ഒന്നുണ്ട്. ഗു​ഹ​യി​ൽ കു​ടു​ങ്ങി​ക്കി​ട​ക്കു​ന്ന​വ​ർ​ക്ക്​ ജീ​വ​വാ​യു നൽകാ​ൻ പോ​യ ഡൈ​വ​ർ സ​മ​ന്‍ കു​നോ​ന്തിന്റെ (38) മരണം. ഗു​ഹ​യി​ല്‍ കു​ടു​ങ്ങി​യ 13 പേ​ര്‍ക്കാ​യി ഓ​ക്‌​സി​ജ​ന്‍ എ​ത്തി​ച്ച​ശേ​ഷം ആ​ഴ​മേ​റി​യ വെ​ള്ള​ക്കെ​ട്ടി​ലൂ​ടെ മ​ട​ങ്ങും​വ​ഴി സ്വ​ന്തം ശേ​ഖ​ര​ത്തി​ലെ ഒാ​ക്​​സി​ജ​ൻ തീ​ർ​ന്ന​താ​യിരുന്നു അദ്ദേഹത്തിന്റെ മരണകാരണം.

Read Also: ലോകം കണ്ട ഏറ്റവും വലിയ രക്ഷാദൗത്യം ഇനി വെള്ളിത്തിരയിലേക്ക്; കോച്ചിന്റെയും കുട്ടികളുടെയും തിരിച്ചുവരവ് ചൂടും ചൂരും നഷ്ടപ്പെടാതെ കാണാം

നാ​വി​ക​സേ​ന​യി​ല്‍നി​ന്ന്​ വി​ര​മി​ച്ച സ​മ​ന്‍, ര​ക്ഷാ​പ്ര​വ​ര്‍ത്ത​ന​ത്തി​ല്‍ പ​ങ്കു​ചേ​രാ​നാ​യാണ് എത്തിയത്. ഒരു വീഡിയോ സന്ദേശത്തിൽ കുട്ടികളെ പുറത്തെത്തിക്കാനുള്ള സമന്റെ നിശ്ചയദാർഢ്യവും പ്രകടമായിരുന്നു. ‘‘പാ​വം കു​ട്ടി​ക​ളെ ഞ​ങ്ങ​ള്‍ വീ​ട്ടി​ലെ​ത്തി​ച്ചി​രി​ക്കും’’ എന്നായിരുന്നു സമന്റെ സന്ദേശം. ഒടുവിൽ കുട്ടികൾ രക്ഷപ്പെട്ടെങ്കിലും സമൻ ഒരു തീരാവേദനയായി മാറിയിരിക്കുകയാണ്.