തിരുവനന്തപുരം: ‘എന്ന് നിന്റെ മൊയ്‌ദീൻ’ എന്ന ചിത്രത്തിന് ശേഷം പൃഥ്വിരാജും പാര്‍വതിയും വീണ്ടും ഒന്നിക്കുന്ന ചിത്രമായ ‘മൈ സ്റ്റോറി’ റിലീസ് ചെയ്ത് രണ്ട് ദിവസങ്ങള്‍ക്കകം ഇന്റര്‍നെറ്റില്‍. ജൂലൈ 6 നായിരുന്നു സിനിമ റിലീസ് ചെയ്തത്. ചിത്രത്തിന് തിയറ്ററുകളില്‍ മികച്ച പ്രതികരണം ലഭിച്ച് പ്രദർശനം തുടരുന്ന പശ്ചാത്തലത്തിലാണ് സിനിമയുടെ വ്യാജ പതിപ്പ് പുറത്തെത്തുന്നത്.
Read Also: പുലിമുരുകന്റെ വ്യാജ പതിപ്പ്; കണ്ണൂരില്‍ രണ്ടു പേര്‍ അറസ്റ്റില്‍
പൃഥിരാജും പാര്‍വ്വതിയും വിവിധ ഗെറ്റപ്പുകളിലാണ് സിനിമയില്‍ പ്രത്യക്ഷപ്പെടുന്നത്. സിനിമയില്‍ ഹോളിവുഡ് താരം റോജര്‍ നാരായണ്‍ വില്ലനാകുന്നു. സ്‌പെയിനും പോര്‍ച്ചുഗലുമായിരുന്നു പ്രധാന ലൊക്കേഷന്‍. പ്രമുഖ വസ്ത്രാലങ്കാര വിദഗ്ധയായ റോഷ്ണി ദിനകര്‍ ആദ്യമായി സംവിധായികയായെത്തുന്ന ചിത്രമാണ് മൈ സ്റ്റോറി. ശങ്കര്‍ രാമകൃഷ്ണനാണ് ചിത്രത്തിന് തിരക്കഥയൊരുക്കിയിരിക്കുന്നത്. യന്തിരന്‍, ലിംഗ എന്നിവയില്‍ പങ്കാളിയായ ആര്‍ രത്‌നവേലുവാണു ഛായാഗ്രഹണം നിർവഹിച്ചിരിക്കുന്നത്
വ്യാജന്മാർ വീണ്ടും പിടിമുറുക്കുന്നതോടെ ആശങ്കയിലാണ് സിനിമാലോകം. വ്യാജന്മാരെ ഇനിയും നിയന്ത്രിച്ചില്ലെങ്കിൽ ഇനിയും വരാനിരിക്കുന്ന വമ്പൻ ബഡ്ജറ്റിലൊരുങ്ങുന്ന വമ്പൻ ചിത്രങ്ങൾക്ക് വലിയൊരു ഭീഷണി തന്നെയാകും.
Post Your Comments