ആലപ്പുഴ: ബൈക്ക് തടഞ്ഞ് നിര്‍ത്തി യുവാക്കളെ മര്‍ദ്ദിച്ചതിന്റെ പിന്നിലെ കാരണം കേട്ടാല്‍ ആരും സ്തംഭിയ്ക്കും. ബൈക്കോടിച്ചപ്പോള്‍ വെള്ളം തെറിപ്പിച്ചെന്ന് ആരോപിച്ചാണ് യുവാക്കള്‍ക്ക് ക്രൂരമര്‍ദ്ദനമേറ്റത്. ചങ്ങനാശേരി ആലപ്പുഴ റോഡില്‍ മങ്കൊമ്പില്‍ വെള്ളിയാഴ്ച്ചയായിരുന്നു സംഭവം. ആലപ്പുഴയില്‍ നിന്നും ചങ്ങനാശ്ശേരിയിലേക്ക് വരികയായിരുന്ന യുവാക്കളെ ഒരുസംഘം തടഞ്ഞുനിര്‍ത്തിയാണ് മര്‍ദിച്ചത്.
വെള്ളക്കെട്ട് നിറഞ്ഞ എസി റോഡിലൂടെ വേഗത്തില്‍ ബൈക്കോടിച്ച് മന:പൂര്‍വ്വം വെള്ളം തെറിപ്പിച്ചെന്നാരോപിച്ചായിരുന്നു മര്‍ദ്ദനം.മുണ്ടക്കയം കൂട്ടിക്കല്‍ സ്വദേശികളായ തൗഫാന്‍, റഫീക്ക് എന്നിവര്‍ക്ക് പരിക്കേറ്റു. ഇരുവരും ആശുപത്രിയില്‍ ചികിത്സതേടി. പരാതി മുണ്ടക്കയം പോലീസ് മങ്കൊമ്പ് പോലീസിന് കൈമാറി. ഭയം കാരണം മര്‍ദ്ദനമേറ്റ വിവരം യുവാക്കള്‍ ആദ്യം വീട്ടില്‍ അറിയിച്ചിരുന്നില്ല. ശാരീരിക ആവശതയെ തുടര്‍ന്ന് പിന്നീട് ഇവരെ ആശുപത്രിയിലേക്ക് മാറ്റുകയായിരുന്നു.
Post Your Comments