കുറവിലങ്ങാട് വാഹനാപകടത്തിൽ ഒരാള്‍ മരിച്ചു

കുറവിലങ്ങാട്: ടെമ്പോ ട്രാവലർ ഓട്ടോയിലിടിച്ചുണ്ടായ അപകടത്തില്‍ ഓട്ടോഡ്രൈവര്‍ മരിച്ചു. കുറവിലങ്ങാട് മോനിപ്പള്ളി വട്ടിയന്തുങ്കല്‍ റെജി. വി.എന്‍ (47) ആണ് മരിച്ചത്. ഞായറാഴ്ച രാവിലെ 9.45 ന് എംസി റോഡില്‍ കുര്യനാട് മുണ്ടിയാനിപ്പറമ്പ് വളവില്‍ വെച്ച്‌ മോനിപ്പള്ളി ഭാഗത്തുനിന്നുംവന്ന ഓട്ടോയില്‍ എതിര്‍ദിശയില്‍വന്ന ടെമ്പോ ട്രാവലർ നിയന്ത്രണം വിട്ട് ഇടിച്ചുകയറുകയായിരുന്നു.

ഇടിയുടെ ആഘാതത്തില്‍ ഓട്ടോ അടുത്തുള്ള പാടത്തേക്ക് തെറിച്ചുവീണു. ഗുരുതരമായി പരിക്കേറ്റ റെജിയെ നാട്ടുകാർ ചേർന്ന് ഉടൻ ആശുപത്രിൽ എത്തിച്ചെങ്കിലും മരണം സംഭവിച്ചു. ടെമ്പോ ട്രാവലർ ഓടിച്ച ഡ്രൈവർക്കെതിരെ നരഹത്യയ്ക്ക് പോലീസ് കേസെടുത്തു.