ബെയ്ജിംഗ് : തിരക്കേറിയ റോഡിലൂടെ അമിത വേഗതയില്‍ പായുന്ന കാറില്‍ ഇരുന്ന് പെണ്‍കുട്ടി കാണിച്ചത് ചില്ലറ സാഹസമൊന്നുമല്ല. ഇത് അല്‍പ്പം കടന്നു പോയില്ലെ എന്നാണ് കേള്‍ക്കുന്നവരുടെ മറുപടി. ചൈനയിലെ ഹെനാന്‍ പ്രവശ്യയിലെ ഷാംഗ്ക്വിയുവിലാണ് ഒരു വിദ്യാര്‍ത്ഥിനി അതിസാഹസീകമായി ഹോംവര്‍ക്ക് ചെയ്തത്. തിരക്കേറിയ നഗരത്തിലൂടെ പായുന്ന കാറിന്റെ വിന്‍ഡോയിലിരുന്നു കാറിന്റെ മുകളില്‍ ബുക്ക് വച്ച് ഹോംവര്‍ക്കു പൂര്‍ത്തിയാക്കുകയായിരുന്നു പെണ്‍കുട്ടി. ഭാഗ്യം കൊണ്ടു മാത്രമായിരുന്നു ഈ കുട്ടി വലിയൊരു അപകടത്തില്‍ നിന്നു രക്ഷപെട്ടത്.
പിതാവിന്റെയും പിതാവിന്റെ സുഹൃത്തിന്റെയും ഒപ്പം കാറില്‍ സഞ്ചരിക്കുകയായിരുന്നു കുട്ടി. കുട്ടിയുടെ പ്രവര്‍ത്തി ആദ്യം ശ്രദ്ധയില്‍ പെട്ടില്ലെന്നും അല്‍പ്പം സ മയം കഴിഞ്ഞ് ഇതു കണ്ടപ്പോള്‍ വാഹനം നിര്‍ത്തി കുട്ടിയെ കാറിനുള്ളില്‍ കയറ്റുകയും അപകടകരമായ പ്രവര്‍ത്തി ചെയ്തതിനു കുട്ടിയെ അടിക്കുകയും ചെയ്തു എന്നും പിതാവ് പറയുന്നു. ഈ വാഹനത്തിനു പിന്നാലെ ഉണ്ടായിരുന്ന യാത്രക്കാരാണ് ഈ ദൃശ്യങ്ങള്‍ പകര്‍ത്തിയത്. വീഡിയോ വൈറലായതോടെ കുട്ടിയുടെ പിതാവിന്റെ ലൈസന്‍സ് അധികൃതര്‍ സസ്പെന്‍ഡ് ചെയ്തു.
Post Your Comments