മൂന്നാര്‍: അഞ്ച് വയസ്സുകാരിയായ പേരക്കുട്ടിയെ പീഡിപ്പിച്ച മുത്തശ്ശനെ പോലീസ് അറസ്റ്റുചെയ്തു. മൂന്നാര്‍ പോലീസ് സ്റ്റേഷന്‍ പരിധിയില്‍ താമസിക്കുന്ന അമ്പത്തൊമ്പതുകാരനെയാണ് എസ്.ഐ. ഡി.വി.ലൈജുമോന്റെ നേതൃത്വത്തില്‍ അറസ്റ്റുചെയ്തത്. കഴിഞ്ഞ ദിവസം വൈകീട്ട് ഇയാളുടെ വീട്ടില്‍വെച്ചാണ് സംഭവം.
കുടുംബവീടിന് സമീപം താമസിക്കുന്ന മകനും ഭാര്യയും വൈകീട്ട് അഞ്ചുമണിക്ക് കുട്ടിയെ ഇയാളുടെ പക്കലേല്‍പ്പിച്ച്‌ പുല്ലുചെത്തുന്നതിനുപോയി. ഇടിയും മഴയും കാരണം പെട്ടെന്ന് തിരിച്ചെത്തിയ ഇവര്‍ മുത്തശ്ശന്‍ പേരക്കുട്ടിയെ പീഡിപ്പിക്കുന്നതാണ് കണ്ടത്. സംഭവം നേരില്‍ കണ്ട മകന്‍ വിവരം പോലീസില്‍ അറിയിച്ചതിനെ തുടര്‍ന്നാണ് പോലീസ് എത്തി മുത്തശ്ശനെ അറസ്റ്റുചെയ്തത്. പോക്‌സോ നിയമപ്രകാരം അറസ്റ്റിലായ ഇയാളെ കോടതി റിമാന്‍ഡ് ചെയ്തു.
Post Your Comments