വെള്ളറട: പ്രായപൂര്‍ത്തിയാകാത്ത മകളെ തന്റെ കാമുകനോടൊപ്പം അനാശാസ്യത്തിന് പ്രേരിപ്പിച്ച കേസില്‍ അമ്മ അറസ്റ്റില്‍. തിരുവനന്തപുരം കുന്നത്തുകാലിനടുത്ത് വാടകയ്ക്ക് താമസിക്കുന്ന കണ്ണൂര്‍ സ്വദേശിനിയെയാണ് പോലീസ് അറസ്റ്റ് ചെയ്‌തത്‌. അമ്മയുടെ കാമുകൻ ഇടയ്ക്കിടെ വീട്ടിൽ എത്തി കുട്ടിയോട് നഗ്നതാപ്രദര്‍ശനം നടത്തിയിരുന്നു.
also read:ലൈംഗിക വ്യാപാരം: നാല് സ്ത്രീകള്‍ പിടിയില്‍
അമ്മയുടെ വഴിവിട്ട ബന്ധങ്ങൾ സഹിക്കാനാകാതെ ദിവസങ്ങൾക്ക് മുൻപ് കുട്ടി വീടുവിട്ടിറങ്ങിയിരുന്നു. ശേഷം ഒരു ബന്ധുവീട്ടിൽ എത്തി. കുട്ടിയെ കാണാതായതോടെ അമ്മ പോലീസിൽ പരാതി നൽകി. അന്വേഷണവുമായി ബന്ധപ്പെട്ട് വീട്ടിൽ എത്തിയ പോലീസിന് കുട്ടിയുടെ ഡയറി കിട്ടുകയായിരുന്നു. ഇതിൽ നിന്നാണ് പീഡന വിവരം പോലീസ് അറിഞ്ഞത്. ശേഷം കുട്ടിയെ ബന്ധുവീട്ടിൽ നിന്ന് പോലീസ് കണ്ടെത്തി. കുട്ടി അമ്മയ്‌ക്കെതിരെ പോലീസിൽ മൊഴി നൽകി. ഇവർക്കെതിരെ പോക്‌സോ വകുപ്പ് ചുമത്തി കേസെടുത്തിട്ടുണ്ട്. അമ്മയുടെ കാമുകൻ ഒളിവിലാണ്.
Post Your Comments