താമരശേരി: വ്യത്യസ്ത ഇടങ്ങളിൽ ഉണ്ടായ വാഹനാപകടത്തിൽ പരിക്കേറ്റു ചികിത്സയിലായിരുന്ന യുവാക്കൾ മരിച്ചു. നൂറാംതോട് കുറുന്തോട്ടിക്കണ്ടി സാജിര്‍ (34) , ചാത്തമംഗലം ഗവ. ഐടിഐ വിദ്യാർത്ഥിയും വടകര നാദാപുരംറോഡിലെ ശബരീശൈലത്തില്‍ ഹരേഷിന്റെയും ബിന്ദുവിന്റെയും മകനായ അഭിഷേക് (17) എന്നിവരാണ് മരിച്ചത്.
ബുധനാഴ്ച ഈങ്ങാപ്പുഴയക്കടുത്ത് സാജിര്‍ സഞ്ചരിച്ച ബൈക്ക് ടിപ്പര്‍ ലോറിയുമായി കൂട്ടിയിടിക്കുകയായിരുന്നു. ഗുരുതരമായി പരുക്കേറ്റ സാജിര്‍ കോഴിക്കോട് മെഡിക്കല്‍ കോളേജ് ആശുപത്രിയില്‍ തീവ്രപരിചരണ വിഭാഗത്തില്‍ ചികിത്സയിലിരിക്കെയാണ് മരിച്ചത്.
തിങ്കളാഴ്ച ഉച്ചയ്ക്ക് കോഴിക്കോട് മെഡിക്കല്‍ കോളേജിനു സമീപം മായനാടില്‍ ഗുഡ്‌സ് ഓട്ടോയും ബൈക്കും കൂട്ടിയിടിച്ച് പരിക്കേറ്റ അഭിഷേക് കോഴിക്കോട് മെഡിക്കല്‍ കോളേജ് ആശുപത്രിയില്‍ ചികിത്സയിലിരിക്കെയാണ് മരിച്ചത്.
Also read ; സംസ്ഥാനത്ത് വീണ്ടും പോലീസ് അതിക്രമം
Post Your Comments