കൊച്ചി : ഇനിമുതൽ വിമാന യാത്രക്കാർക്കും ലേലം വിളിക്കാം. ഇക്കോണമി ക്ലാസുകളിലെ യാത്രക്കാർക്ക് ഫസ്റ്റ് ക്ലാസിലേക്ക് അപ്ഗ്രേഡ് ചെയ്യുന്നതിന് ലേലത്തിൽ പങ്കെടുക്കാനുള്ള അവസരമാണ് ജെറ്റ് എയർവേയ്സ് വിമാന കമ്പനി ഒരുക്കിയിരിക്കുന്നത്. ‘ജെറ്റ് അപ്ഗ്രേഡ്’ എന്നാണ് പദ്ധതിയുടെ പേര് .
ഈ അവസരം നേടിയെടുക്കുന്നത് എങ്ങനെയെന്ന് വിമാന കമ്പനി പറയുന്നുണ്ട്. ജെറ്റ് എയർവേയ്സ് വെബ്സൈറ്റിലെ മാനേജ് മൈ ബുക്കിങ് വിഭാഗത്തിൽ പ്രവേശിച്ച് സീറ്റ് അപ്ഗ്രേഡ് ചെയ്യുന്നതിനു നൽകാൻ ഉദ്ദേശിക്കുന്ന തുക രേഖപ്പെടുത്താം. യാത്ര ചെയ്യുന്നതിന് ഏഴു ദിവസം മുമ്പു മുതൽ തലേന്നു വരെ ലേലത്തുക സമർപ്പിക്കാം. തുക പുതുക്കി സമർപ്പിക്കുന്നതിനും പിൻമാറാനും അവസരമുണ്ട്. ഇത്തരത്തിൽ ഒരു പദ്ധതി വിമാന കമ്പനികളുടെ ചരിത്രത്തിൽ ആദ്യമായാണെന്ന് ജെറ്റ് എയർവേയ്സ് അറിയിച്ചു.
Post Your Comments