യുഎഇയിൽ താമസിക്കുന്ന പ്രവാസികൾക്ക് ഇനി സോഷ്യൽ മീഡിയയിലൂടെയും പണം അയക്കാം

ദുബായ്: തങ്ങളുടെ പ്രിയപ്പെട്ടവർക്ക് സോഷ്യൽ മീഡിയയിലൂടെ പണം അയക്കാൻ സഹായിക്കുന്ന പുതിയ സംവിധാനവുമായി ഐസിഐസിഐ ബാങ്ക്. ഇതിലൂടെ ഇ- മെയിൽ വഴിയും വാട്ട്സ്ആപ്പ് വഴിയും പണം അയക്കാവുന്നതാണ്. മണി 2 ഇന്ത്യ എന്ന ആപ്ലിക്കേഷനുകളിലൂടെയാണ് ഇത് സാധ്യമാകുന്നത്.

Read Also: നമ്മുടെ ഡാറ്റ ഫേസ്ബുക്ക് ചോർത്തിയോ എന്നറിയാൻ ഒരു എളുപ്പവഴി

പണം അയക്കുന്നതിനായി മണി 2 ഇന്ത്യ എന്ന ആപ്ലിക്കേഷനിൽ നിന്നും ഒരു ലിങ്ക് ജനറേറ്റ് ചെയ്‌ത ശേഷം ഇത് പണം അയക്കേണ്ട ആളിന് സോഷ്യൽ മീഡിയയിലൂടെ ഷെയർ ചെയ്യാവുന്നതാണ്. തുടർന്ന് ഈ ലിങ്കിൽ അക്കൗണ്ട് വിവരങ്ങളും മറ്റും ചേർക്കണം. ഈ ലിങ്കിന്റെ വാലിഡിറ്റി 24 മണിക്കൂറാണ്. പണം അയക്കുന്ന ആൾ പറഞ്ഞു കൊടുക്കുന്ന നാലക്ക പിൻ ഉപയോഗിച്ച് മാത്രമേ ഇത് തുറക്കാൻ സാധിക്കുകയുള്ളു. വിവരങ്ങൾ ചേർത്ത് കഴിഞ്ഞതിന് ശേഷം ഉപയോക്താവിന് ഇത് ഉറപ്പാക്കിയ ശേഷം പണം അയക്കാവുന്നതാണ്.