അബുദാബി ; വീട്ടിൽ കഞ്ചാവു ചെടി വളര്‍ത്തിയ വിദേശി അബുദാബി പൊലീസിന്റെ പിടിയിൽ. ഒരു പ്ലാസ്റ്റിക് പാത്രം മുറിച്ചു അതില്‍ മണ്ണു നിറച്ച് കഞ്ചാവു തൈ നട്ടുവളർത്താൻ ശ്രമിച്ച ഏഷ്യക്കാരനാണ് പിടിയിലാകുന്നത്. കഞ്ചാവു തൈ വളര്‍ത്തുന്നെന്ന വിവരം ലഭിച്ചതിനെത്തുടർന്നു നടത്തിയ നീക്കത്തിലൂടെ തെളിവുൾപ്പെടെ ഇയാളെ പോലീസ് പിടികൂടുകയായിരുന്നു.
വീട്ടിനകത്തു തന്നെ തൈകൾക്കു വളരാനുള്ള അന്തരീക്ഷമൊരുക്കിയായിരുന്നു ചെടി നട്ടുവളർത്തിയത്. ശ്രമം വിജയിച്ചാൽ കൂടുതൽ ചെടികൾ നട്ടുപിടിപ്പിക്കാനായിരുന്നു പ്രതിയുടെ തീരുമാനം. എന്നാൽ ആ നീക്കം പരാജയപ്പെട്ടെന്നും ഡ്രഗ് കൺട്രോൾ ഡയറക്ടർ കേണൽ താഹിർ ഗരീബ് അൽദാഹിരി പറഞ്ഞു. കൂടാതെ നിയമവിരുദ്ധമായ ഇത്തരം പ്രവർത്തനങ്ങൾ ശ്രദ്ധയില്‍പെട്ടാൽ എത്രയും പെട്ടെന്നു പൊലീസിൽ വിവരം നൽകാൻ ജനങ്ങൾ തയ്യാറാകണമെന്നും അൽദാഹിരി അറിയിച്ചു.
Post Your Comments