നാൽപ്പതു ലക്ഷം രൂപയുടെ വാച്ചു കെട്ടുന്ന സിദ്ധരാമയ്യ സോഷ്യലിസം പ്രസംഗിക്കുന്നു- അമിത് ഷാ

ബംഗളൂരു: നാല്‍പ്പത് ലക്ഷം രൂപയുടെ വാച്ചുള്ളവരാണ് സോഷ്യലിസം പറയുന്നതെന്ന് കര്‍ണാടക മുഖ്യമന്ത്രി സിദ്ധരാമയ്യയെ പരിഹസിച്ച് ബിജെപി അധ്യക്ഷന്‍ അമിത് ഷാ. സിദ്ധരാമയ്യയാണ് നാല്‍പത് ലക്ഷം രൂപയുടെ വാച്ച് കെട്ടുന്ന കോണ്‍ഗ്രസിലെ ഒരേ ഒരു സോഷ്യലിസ്റ്റ് എന്നും അമിത്ഷാ പരിഹസിച്ചു. ഇത് അദ്ദേഹം എത്രമാത്രം അഴിമതി നടത്തിയിട്ടുണ്ട് എന്നതിന്‍റെ തെളിവാണെന്നും അമിത് ഷാ പറഞ്ഞു.

ന്യൂനപക്ഷമായ ലിംഗായത്തയോടുള്ള താത്പര്യം കൊണ്ടല്ല, യെദ്യൂരപ്പയുടെ നേതൃത്വത്തിലുള്ള ബിജെപി സര്‍ക്കാര്‍ കര്‍ണാടകയില്‍ അധികാരത്തിലെത്താതിരിക്കാനാണ് പ്രത്യേക പദവി നല്‍കിയതെന്നും അമിത് ഷാ കുറ്റപ്പെടുത്തി. രണ്ട് ദിവസത്തെ കര്‍ണാടക സന്ദര്‍ശനത്തിന് എത്തിയതാണ് അമിത് ഷാ. കര്‍ണാടകയില്‍ ബിജെപി ഭൂരിപക്ഷം നേടിയാല്‍ യെദ്യൂരപ്പയെ മുഖ്യമന്ത്രിയാക്കുമെന്നും അമിത് ഷാ പറഞ്ഞു.