ഇന്ത്യക്കാരുള്‍പ്പെടെയുള്ള പ്രവാസികള്‍ക്ക് തിരിച്ചടിയായി ഓസ്ട്രേലിയ; ഈ വിസാ പദ്ധതി നിര്‍ത്തലാക്കി

മെല്‍ബണ്‍: ഇന്ത്യക്കാരുള്‍പ്പെടെയുള്ള പ്രവാസികള്‍ക്ക് തിരിച്ചടിയായി ഓസ്ട്രേലിയ. തൊഴിലുടമ സ്പോണ്‍സര്‍ ചെയ്യുന്ന ‘457 വിസ’ പദ്ധതി ഓസ്ട്രേലിയ നിര്‍ത്തലാക്കി. തൊഴിലില്ലായ്മ പരിഹരിക്കാനാണ് ഇത്തരമൊരു തീരുമാനമെന്ന്അധികൃതര്‍ വ്യക്തമാക്കുകയും ചെയ്ത്. എന്നാല്‍ ഈ തീരുമാനത്തോടെ പണികിട്ടുന്നത് നിരവധി പ്രവാസികള്‍ക്കാണ്. കര്‍ശന വ്യവസ്ഥകള്‍ ഉള്‍പ്പെടുത്തിയുള്ള ‘ടെംപററി സ്‌കില്‍സ് ഷോര്‍ട്ടേജ് വീസ'(ടി.എസ്.എസ്) എന്ന പദ്ധതിയിലാണ് മാറ്റങ്ങള്‍ വരുത്തിയിരിക്കുന്നത്.

Also Read : സൗദിയില്‍ നിന്നും പ്രവാസികള്‍ക്ക് തിരിച്ചടിയായി വീണ്ടുമൊരു വാര്‍ത്ത

വൈദഗ്ധ്യം വേണ്ട തൊഴിലുകളില്‍ നാലു വര്‍ഷത്തെ വിസ അതിവേഗം അനുവദിക്കുന്നതായിരുന്നു ‘457 പദ്ധതി’. ബിസിനസ് പ്രഫഷണലുകള്‍ക്കും അതിവൈദഗ്ധ്യമുള്ള തൊഴിലാളികള്‍ക്കും വേണ്ടിയാണ് 1990ല്‍ ഈ വിസ പദ്ധതി അവതരിപ്പിച്ചത്. ഓസ്ട്രേലിയന്‍ തൊഴിലാളികളുടെഅഭാവമുണ്ടാകുന്ന പക്ഷം നാലുവര്‍ഷത്തേക്ക് വിദേശികളെ ജോലിക്കു നിയോഗിക്കാന്‍ വ്യവസായങ്ങളെ അനുവദിക്കുന്ന പദ്ധതിയാണ് 457 വിസ.

2017 സെപ്റ്റംബര്‍ വരെ 95,000 വിദേശികള്‍ ഈ വിസയില്‍ ഓസ്ട്രേലിയയിലെത്തി. 19,400 പേരുമായി ഇന്ത്യയായിരുന്നു ഒന്നാമത്. ഒരുലക്ഷം വിദേശികള്‍ ഉപയോഗിക്കുന്ന ‘457 വിസ’ പദ്ധതിയുടെ ഏറ്റവും വലിയ ഉപയോക്താക്കള്‍ ഇന്ത്യന്‍ തൊഴിലാളികളാണ്. തൊവില്‍ വൈദഗ്ധ്യവും ഇംഗ്ലീഷ് പ്രാവീണ്യവും കൂടുതല്‍ വേണമെന്നു നിഷ്‌കര്‍ഷിക്കുന്ന കടുത്ത നിയന്ത്രണങ്ങളുള്ള വിസപദ്ധതിയാണു പുതുതായി കൊണ്ടുവരുന്നത്.