ദുബായ് : ദുബൈ എയർപോർട്ടിൽ നിന്ന് ഒരു കിലോഗ്രാം മയക്കുമരുന്ന് കൈവശം വച്ചതിന് യുവതി അറസ്റ്റിലായി. ദുബായ് അന്താരാഷ്ട്ര വിമാനത്താവളത്തിൽ എത്തിയ കാമറോണ്‍ സ്വദേശിനിയായ 28 കാരിയെയാണ് കസ്റ്റംസ് പരിശോധനയ്ക്കിടയില്‍ പിടിയിലായത്. കസ്റ്റംസ് ഇൻസ്പെക്ടർമാർ നടത്തിയ പരിശോധനയില്‍ മയക്കുമരുന്ന് കണ്ടെത്തുകയായിരുന്നു. മയക്കുമരുന്ന് കൈവശം വെച്ചതിന് യുവതി വിചാരണ നേരിടുകയാണ്.
എയർപോർട്ടിലെ ഒന്നാമത്തെ ടെർമിനലിൽ സംശയാസ്പദമായ സാഹചര്യത്തില്‍ കണ്ടെത്തിയ ബാഗ് പരിശോധിച്ചപ്പോള്‍ ആണ് മയക്ക്മരുന്ന് കണ്ടെത്തിയത്. ബാഗിന്റെ ഉടമയെ ഉടനെ തന്നെ അറസ്റ്റ് ചെയ്തുവെന്നും വനിതാ കസ്റ്റംസ് ഇൻസ്പെക്ടർ പറഞ്ഞു. പ്രതികളുടെ കൈയില്‍ നിന്ന് 1039 ഗ്രാം തൂക്കമുള്ള കഞ്ചാവ് ചെടിയും കണ്ടെത്തി.
Post Your Comments