ഹിമാചല്‍ പ്രദേശ്: റോഡില്‍ നിന്ന് ഏകദേശം 16 അടി ദൂരമുള്ള മേല്‍ക്കൂരയില്‍ സെയ്ഫായി ലാന്‍ഡ് ചെയ്തിരിക്കുന്ന ഒരു കാറിന്റെ ചിത്രം ഇപ്പോള്‍ സോഷ്യല്‍ മീഡിയയില്‍ വൈറലായിക്കൊണ്ടിരിക്കുകയാണ്. ഹിമാചല്‍ പ്രദേശിലെ മണ്ഡി ജില്ലയിലെ സര്‍ഖഗാട്ടിലാണ് സംഭവം. അമിത വേഗത്തിലെത്തിയ മാരുതി ബലെനോയാണ് അപകടത്തില്‍പ്പെട്ടത്.
Also Read : സോഷ്യല്‍ മീഡിയയില്‍ വൈറലായി അഞ്ച് നിലയുള്ള റോഡ്
കാര്‍ റോഡിലെ മീഡിയനില്‍ കയറി ഉയര്‍ന്ന് പൊങ്ങി വീടിന്റെ മേല്‍ക്കൂരയിലേക്ക് ഇടിച്ചു കയറുകയായിരുന്നു. അപകടത്തില്‍ യാത്രക്കാര്‍ നിസാര പരുക്കുകളോടെ രക്ഷപ്പെട്ടു എന്നാണ് പ്രദേശിക പത്രങ്ങള്‍ റിപ്പോര്‍ട്ട് ചെയ്യുന്നത്. മേല്‍ക്കൂരയുടെ ഒരുഭാഗത്തുള്ള ഭിത്തിയില്‍ ഇടിച്ചാണ് കാര്‍ നിന്നത്. വാഹനത്തില്‍ ലേണേഴ്‌സ് ബോര്‍ഡും കാണാം.
നീണ്ട നാലുമണിക്കൂര്‍ നേരത്തെ പരിശ്രമത്തിന് ശേഷമാണ് കാറിനെ തിരിച്ച് റോഡിലേക്ക് എത്തിച്ചത്. പഠിക്കുന്ന ഡ്രൈവര്‍ക്ക് പറ്റിയ തെറ്റാണ് അപകടത്തിന് കാരണം എന്നാണ് സൂചന. ഇപ്പോള്‍ ഈ ചിത്രത്തിനെതിരെ നിരവധി ട്രോളുകളും ഇറങ്ങിക്കഴിഞ്ഞു.
Post Your Comments