യു.എ.ഇ യില്‍ നിന്ന് കേരളത്തിലേക്ക് പറക്കാം ഏറ്റവും കുറഞ്ഞ നിരക്കില്‍

ഷാര്‍ജ•ഇന്ത്യയിലേക്ക് യാത്ര ചെയ്യുന്നവര്‍ക്ക് ആകര്‍ഷകമായ ഓഫറുകളുമായി ഷാര്‍ജ ആസ്ഥാനമായ എയര്‍ അറേബ്യ. ഷാര്‍ജയില്‍ നിന്ന് തിരുവനന്തപുരത്തേക്ക് എല്ലാം ഉള്‍പ്പടെ വെറും 274 ദിര്‍ഹമാണ് നിരക്ക്.

ഷാര്‍ജയില്‍ നിന്ന് കൊച്ചിയിലേക്ക് 280 ദിര്‍ഹത്തിനും കോയമ്പത്തൂരിലേക്ക് 350 ദിര്‍ഹത്തിനും പറക്കാം. ബംഗളൂരുവിലേക്ക് 345 ദിര്‍ഹമാണ് നിരക്ക്.

കൂടാതെ ബെയ്റൂട്ട്, അലക്സാന്‍ഡ്രിയ, കെയ്റോ എന്നിവടങ്ങളിലേക്കും എയര്‍ അറേബ്യ ആനുകൂല്യങ്ങള്‍ പ്രഖ്യാപിചിട്ടുണ്ട്.

ദുബായ് ആസ്ഥാനമന ഫ്ലൈ ദുബായിയും ഇളവുകള്‍ പ്രഖ്യാപിച്ചിട്ടുണ്ട്.

ഒമാനിലേക്ക് ബിസിനസ് ക്ലാസില്‍ 1,420 ദിര്‍ഹവും ഇക്കോണമി ക്ലാസിന് 890 ദിര്‍ഹാവുമാണ് നിരക്ക്.

സൗദിയിലേക്ക് ഇക്കോണമി ക്ലാസില്‍ 813 ദിര്‍ഹവും, ബിസിനസ് ക്ലാസ് ടിക്കറ്റിന് 1,985 ദിര്‍ഹവുമാണ്.

കുവൈത്തിലേക്ക് ഇക്കോണമി ക്ലാസില്‍ 750 ദിര്‍ഹവും ബിസിനസ് ക്ലാസില്‍ 2,590 ദിര്‍ഹവുമാണ്‌ ഫ്ലൈ ദുബായ് ഈടാക്കുന്നത്.