മുംബൈ: യുവാവിന്റെ തലയില്‍ നിന്നും 1.8 കിലോ തൂക്കം വരുന്ന ട്യൂമര്‍ മുംബൈയിലെ നായര്‍ ആശുപത്രിയില്‍ നടന്ന ശസ്ത്രക്രിയയില്‍ വിജയകരമായി നീക്കം ചെയ്തു. ഏഴ് മണിക്കൂര്‍ നീണ്ട ശസ്ത്രക്രിയയിലൂടെയാണ് ട്യൂമര്‍ മുറിച്ചു മാറ്റിയത്. 31 വയസ്സുകാരനായ സന്‍ത്ലാല്‍ പാല്‍ എന്ന വസ്ത്ര വ്യാപാരിയുടെ തലയിലായിരുന്നു അസ്വാഭാവികമായ വലിപ്പത്തില്‍ ട്യൂമര്‍ വളര്‍ന്നത്.
ലോകത്ത് തന്നെ ആദ്യമായാണ് ഇത്രയും വലിപ്പത്തിലുള്ള ട്യൂമര്‍ ശസ്ത്രക്രിയയിലൂടെ നീക്കം ചെയ്യുന്നത്. ഇതിന് മുമ്ബ് 1.4 കിലോ തൂക്കമുള്ള ട്യൂമര്‍ നീക്കം ചെയ്തതായിരുന്നു റെക്കോര്‍ഡ്. ടൂമർ വലുതായതോടെ ഇയാൾക്ക് ശക്തമായ തലവേദന അനുഭവപ്പെടുകയും, ഇയാളുടെ കാഴ്ച്ച നഷ്ടപ്പെടുകയും ചെയ്തു. ഇതോടെ ഈ മാസം ആദ്യം ഇയാൾ ആശുപത്രിയിൽ അഡ്‌മിറ്റാകുകയായിരുന്നു. ശസ്‌ത്രക്രിയയ്‌ക്ക് ശേഷം ഇയാൾ സുഖം പ്രാപിച്ച് വരികയാണെന്ന് ആശുപത്രി അധികൃതർ അറിയിച്ചു.
also read:സൂര്യപ്രകാശം ഏല്‍ക്കുന്നവര്‍ സൂക്ഷിക്കുക; നിങ്ങളെ തേടിയെത്തുന്നത്…?
Post Your Comments