ഗായിക അഭിരാമി തന്റെ പാട്ടുകളെ കുറിച്ച് സംസാരിക്കുന്നു

ഡയമണ്ട് നെക്‌ളേസ്‌ എന്ന സിനിമയിലൂടെ നജീം അർഷദിന്റെയൊപ്പം “തൊട്ടു തൊട്ടു.. ” എന്ന ഗാനം, വിദ്യാസാഗറിന്റെ ഈണത്തിൽ പാടി സിനിമയിലെത്തിയ ഗായികയാണ് അഭിരാമി അജയ് .നാലാം വയസ്സുമുതൽ കണ്ണൂർ ശ്രീ രഘുനാഥിന്റെ കീഴിൽ കർണ്ണാടക സംഗീതം അഭ്യസിച്ചു തുടങ്ങിയ അഭിരാമി ആം വയസ്സിൽ ഹിന്ദുസ്ഥാനിയും അഭ്യസിച്ചു തുടങ്ങി. ശ്രീമതി സുശീല , തൃശൂർ അനിൽ കുമാർ എന്നിവരുടെ ശിക്ഷണത്തിൽ സംഗീത വിദ്യാഭ്യാസം തുടർന്ന അഭിരാമി 2010 -ലെ ദുബായ് ആർട്ട് ലൗവേഴ്സ് കലോത്സവത്തിൽ കലാതിലകമായി തിരഞ്ഞെടുക്കപ്പെട്ടതിനു പുറമെ ഏഷ്യാനെറ്റിന്റെ റേഡിയോ മ്യൂസിക് ഡ്രൈവിന്റെ വിജയിയുമായിരുന്നു. സംഗീതത്തിൽ അസാമാന്യ പാടവം കാണിക്കുന്ന അഭിരാമി, കെ എസ് ചിത്ര, ശ്രീ ശങ്കരൻ നമ്പൂതിരി , എം ജി ശ്രീകുമാർ, ബിജു നാരായണൻ തുടങ്ങിയ മികച്ച ഗായകരുടെ കൂടെ ധാരാളം സ്റ്റേജ് ഷോകളിൽ പങ്കെടുത്തിട്ടുണ്ട്.’ അയാളും ഞാനും തമ്മിൽ’ എന്ന ചിത്രത്തിലെ “അഴലിന്റെ ആഴങ്ങളിൽ” അഭിരാമിയുടെ പ്രശസ്തമായ മറ്റൊരു ഗാനമാണ്.അഭിരാമിയുടെ അഭിമുഖം കാണാം.