പരുക്ക് വില്ലനായി; ഓസ്‌ട്രേലിയന്‍ ഓപ്പണില്‍ നിന്നും നദാല്‍ പുറത്ത്

മെല്‍ബണ്‍: ഓസ്‌ട്രേലിയന്‍ ഓപ്പണില്‍ നിന്നും സൂപ്പര്‍ താരം റാഫേല്‍ നദാല്‍ പുറത്തായി. മാരില്‍ സിലിച്ചാണ് ക്വാര്‍ട്ടറില്‍ നദാലിനെ തോല്‍പ്പിച്ചത്. പോരാട്ടത്തിന്റെ നിര്‍ണാക അഞ്ചാം സെറ്റ് പൂര്‍ത്തിയാക്കാനാവാതെ പരുക്കുമൂലം നദാല്‍ പിന്മാറുകയായിരുന്നു.

ആദ്യ സെറ്റ് നദാല്‍ സ്വന്തമാക്കിയപ്പോള്‍ രണ്ടാം സെറ്റ് സിലിച്ച് നേടി. മൂന്നാം സെറ്റ് നേടി തിരിച്ചടിച്ച നദാലിനെ പരുക്ക് കീഴ്‌പെടുത്തിയിരുന്നു. നാലാം സെറ്റില്‍ വലിയ പോരാട്ടമൊന്നും നടത്തനാകാതെ കൈവിട്ട നദാലിന് നിര്‍ണായക അഞ്ചാം സെറ്റില്‍ 2-0ന് പിന്നില്‍ നില്‍ക്കവെ കളി തുടരാനാവാതെ പിന്‍മാറുകയായിരുന്നു. സ്‌കോര്‍ 6-3, -3-6, 7-6, 2-6, 2-0.