ന്യൂ ഡല്‍ഹി: 20 വെടിയുണ്ടകളുമായി ഡല്‍ഹി മെട്രോയില്‍ നിന്ന് യുവതി പിടിയിലായി. ഉത്തര്‍പ്രദേശിലെ മൊറാദാബാദില്‍ നിന്നും എത്തിയ യുവതിയാണ് അറസ്റ്റിലായതെന്ന് സി.ഐ.എസ്.എഫ് ഉദ്യോഗസ്ഥര്‍ പറഞ്ഞു. ഞായറാഴ്ചയാണ് സംഭവം. ആദര്‍ശ് നഗറില്‍ വച്ച് യുവതിയുടെ ബാഗ് സ്‌കാന്‍ ചെയ്തപ്പോഴാണ് വെടിയുണ്ട കണ്ടെടുത്തത്.
അച്ഛനും മറ്റ് ബന്ധുക്കള്‍ക്കും ഒപ്പമാണ് യുവതി യാത്ര ചെയ്തിരുന്നത്. യുവതിയുടെ പിതാവിന്റെ തോക്കിലേതാണ്‌ വെടിയുണ്ടകളെന്ന് ഇവര്‍ പറഞ്ഞു. മാത്രമല്ല തോക്കിന്റെ ലൈസന്‍സും ഇയാള്‍ ഹാജരാക്കി. എന്നാല്‍ സംഭവത്തില്‍ കൂടുതല്‍ അന്വേഷണത്തിനായി യുവതിയെയും ബന്ധുക്കളെയും സിഐഎസ്എഫ് ഡല്‍ഹി പോലീസിന് കൈമാറി.
ജനുവരി 26ലെ റിപബ്ലിക്ക് ദിനത്തോട് അനുബന്ധിച്ച് ഡല്‍ഹിയിലെ സുരക്ഷ ശക്തമാക്കിയിട്ടുണ്ട്. മെട്രോയിലും മറ്റിടങ്ങളിലും കൂടുതല്‍ സുരക്ഷ ഉദ്യോഗസ്ഥരെ വിന്യസിച്ചിട്ടുണ്ട്.
Post Your Comments