ബെയ്ജിംഗ് : ഓയില്‍ ടാങ്കറും , ചരക്കു കപ്പലും കൂട്ടിയിടിച്ച് അപകടം. അപകടത്തില്‍ 32 പേരെ കാണാതായി. ചൈനയുടെ കിഴക്കന്‍ തീരത്തായിരുന്നു അപകടമുണ്ടായത്. 136,000 ടണ്‍ ഓയിലാണ് ടാങ്കറില്‍ ഉണ്ടായിരുന്നത്. ശനിയാഴ്ച രാത്രിയായിരുന്നു സംഭവം . 30 ഇറാനിയന്‍ പൗരന്‍മാരും രണ്ട് ബംഗ്ലാദേശികളുമാണ് കാണാതായവരില്‍ എന്ന അധികൃതര്‍ വ്യകത്മാക്കി.
ഷാങ്ങ്ഹായിലെ 160 നോട്ടിക്കല്‍ മൈല്‍ ദൂരത്തിലാണ് അപകടമുണ്ടായത്. ഹോങ്കോങ്-ഫ്‌ലാഗ്ഡ് ചരക്ക് കപ്പലില്‍ 64,000 ടണ്‍ ധാന്യമായിരുന്നു ഉണ്ടായിരുന്നത്. ടാങ്കര്‍ ഇപ്പോഴും കത്തുന്നുണ്ടെന്നാണ് ലഭിക്കുന്ന വിവരം.
ദക്ഷിണ കൊറിയയുടെ നിയന്ത്രണത്തിലുള്ള ഓയില്‍ ടാങ്കറിലാണ് അപകടം സംഭവിച്ചത്.ദക്ഷിണ കൊറിയയും,ചൈനയും രക്ഷാപ്രവര്‍ത്തനത്തിനായി കൂടുതല്‍ സേനയെ വിന്യസിച്ചിട്ടുണ്ട്.
Post Your Comments