മലപ്പുറം: ചങ്ങരംകുളത്ത് അപകടത്തില്‍ മരിച്ച ആറുപേരുടെ മൃതദേഹം ഇന്ന് സംസ്കരിക്കും. സര്‍ക്കാരിന്റെ പ്രത്യേക നിര്‍ദേശ പ്രകാരം പോസ്റ്റ്മോര്‍ട്ടം നടപടികള്‍ ഒഴിവാക്കിയിട്ടുണ്ട്. നരണിപ്പുഴയിലെ കോള്‍പാടത്ത് തോണി മറിഞ്ഞ് ആറു വിദ്യാര്‍ഥികളാണ് മുങ്ങി മരിച്ചത്. നാല് പെണ്‍‍കുട്ടികളും രണ്ട് ആണ്‍കുട്ടികളുമാണു മരിച്ചത്. ചൊവ്വാഴ്ച വൈകുന്നേരം അഞ്ചരയോടെയാണ്, ബന്ധുക്കളായ ആറു പേരുടെ മരണത്തിനിടയാക്കിയ ദുരന്തം നടന്നത്.
കോള്‍പാടത്തെ താത്കാലിക ബണ്ടു പൊട്ടി വെള്ളമൊഴുകുന്നതു കാണാന്‍ തോണിയില്‍ പോയവരാണ് അപകടത്തില്‍പ്പെട്ടത്. അതെ സമയം തോണിമറിഞ്ഞ് ആറ് കുട്ടികള്‍ മരിക്കാനിടയായത് തോണിയുടെ വിടവിലൂടെ വെള്ളം കയറിയത് കൊണ്ടാണെന്ന് തോണിതുഴഞ്ഞ വേലായുധന്‍ പറഞ്ഞു. വേലായുധന്‍ തൃശൂരിലെ സ്വകാര്യ ആശുപത്രിയിലെ തീവ്രപരിചരണ വിഭാഗത്തിലാണ്.
സംഭവത്തില്‍ മനുഷ്യാവകാശ കമ്മീഷന്‍ സ്വമേധയാ കേസെടുത്തു. മുന്നാഴ്ചക്കകം റിപ്പോര്‍ട്ട് സമര്‍പ്പിക്കാനും നിര്‍ദേശമുണ്ട്. കുട്ടികള്‍ തന്നെയായിരുന്നു തോണി തുഴഞ്ഞിരുന്നതെന്നും പ്രദേശവാസികള്‍ പറയുന്നു. ചൊവ്വാഴ്ച വൈകിട്ട് നാലരയോടെയാണ് നാടിനെ ഞെട്ടിച്ച അപകടം നടന്നത്. ബന്ധുക്കളായ ആറ് വിദ്യാര്‍ഥികളാണ് മരിച്ചത്.
മാപ്പിലാക്കല്‍ കടൂക്കുഴി വേലായുധന്റെ മകള്‍ വൈഷ്ണ (20), വേലായുധന്റെ സഹോദരന്‍ ജയന്റെ മക്കളായ പൂജ (13), ജെനീഷ (11), വേലായുധന്റെ മറ്റൊരു സഹോദരന്‍ പ്രകാശന്റെ മകള്‍ പ്രസീത (13), ബന്ധു നെല്ലിക്കല്‍ പനമ്ബാട് ശ്രീനിവാസന്റെ മകന്‍ ആദിനാഥ് (14), മാപ്പിലാക്കല്‍ ദിവ്യയുടെ മകന്‍ ആദിദേവ് (13) എന്നിവരാണ് മരിച്ചത്.
Post Your Comments