പത്തുരൂപക്ക് ഉച്ചയൂണുമായി ഡൽഹിയിൽ അടൽ ആഹാർ കേന്ദ്രങ്ങൾ

ന്യൂഡൽഹി : പത്തുരൂപക്ക് ഉച്ചയൂണുമായി ഡൽഹിയിൽ അടൽ ആഹാര കേന്ദ്രങ്ങൾ ആരംഭിച്ചു . ബിജെപി ഭരിക്കുന്ന നഗരസഭകളാണ് പദ്ധതിക്ക് തുടക്കം കുറിച്ചത്. മുൻ പ്രധാനമന്ത്രി അടൽ ബിഹാരി വാജ്പേയിയുടെ ജന്മദിനമായ ഡിസംബർ 25 നാണ് കേന്ദ്രങ്ങൾ ആരംഭിച്ചത് . നിലവിൽ ആറു സ്ഥലങ്ങളിലായി ആരംഭിച്ച ആഹാരകേന്ദ്രങ്ങൾ . ഘട്ടം ഘട്ടമായി അടുത്ത ഒരു വർഷം കൊണ്ട് എല്ലാ വാർഡിലും കേന്ദ്രങ്ങൾ തുറക്കാൻ രണ്ട് നഗരസഭകൾ തീരുമാനിച്ചിട്ടുണ്ട്. സ്വയം സഹായ സംഘങ്ങളാണ് കേന്ദ്രത്തിന്റെ നടത്തിപ്പ് .

ഓക്‌ല മണ്ഡി , മാട്യാല ചൗക്ക് , ഗ്രീൻപാർക്ക്/എയിംസ്, രഘുബീർ നഗർ , കക്രോല മോർ, ഷാലിമാർ ബാഗ് എന്നിവിടങ്ങളിൽ ആഹാര കേന്ദ്രങ്ങൾ ആരംഭിച്ചു കഴിഞ്ഞു.പരസ്യങ്ങളിലൂടെയും മറ്റും അധികമായി ചെലവാകുന്ന തുക സംഘടിപ്പിക്കാനാണ് ലക്ഷ്യമിടുന്നത്. നേരത്തെ ആം ആദ്മി കാന്റീനുകൾ തുറക്കുമെന്ന് ഡൽഹി സർക്കാർ പ്രഖ്യാപിച്ചിരുന്നെങ്കിലും നടപ്പിലായില്ല.