അഹമ്മദാബാദ്: ഗുജറാത്തിലെ തെരഞ്ഞെടുപ്പിനെ ഓഖി പ്രതികൂലമായി ബാധിക്കുമെന്ന് ആശങ്കയില്‍ അധികൃതര്‍.കേരളത്തിലും തമിഴ്നാട്ടിലും കനത്തനാശം വിതച്ച ഓഖി ഇപ്പോൾ ഗുജറാത്തില്‍ പ്രവേശിച്ചിരിക്കുകയാണ്. ശാന്തമായാണ് കാറ്റ് ഗുജറാത്തില്‍ എത്തിയിരിക്കുന്നത്. പക്ഷേ കനത്ത മഴയ്ക്കും കാറ്റിനുമുള്ള സാധ്യത കാലാവസ്ഥ നിരീക്ഷകർ പ്രവചിക്കുന്നു.
ഇതോടെ ഇത് തെരഞ്ഞെടുപ്പിനെ ബാധിക്കുമെന്ന ആശങ്ക തെരഞ്ഞെടുപ്പ് കമ്മീഷനും ഉണ്ട്. ഇതു മുന്നിൽ കണ്ടുള്ള മുന്നൊരുക്കങ്ങള്‍ കമ്മീഷനും തുടങ്ങി. ചുഴലിക്കൊടുങ്കാറ്റ് ബാധിക്കാനായി സാധ്യതയുള്ള പ്രദേശങ്ങളിലെ ആളുകള്‍ക്ക് വോട്ടു ചെയ്യാനുള്ള അവസരം ഉറപ്പാക്കുന്ന നടപടി വേണമെന്നു സംസ്ഥാന തെരഞ്ഞെടുപ്പ് കമ്മീഷന്‍ കേന്ദ്ര തെരഞ്ഞെടുപ്പ് കമ്മീഷനെ അറിയിച്ചിട്ടുണ്ട്.
Post Your Comments