ന്യൂഡല്‍ഹി: മൈക്രോസോഫ്റ്റ് ഐ.ഐ.ടി കാമ്പസുകളില്‍നിന്ന് മിടുക്കരെ തേടുകയാണ്. കമ്പനി ഇതിനായി വലിയ ഓഫറാണ് മുന്നോട്ടുവയ്ക്കുന്നത്. 1.39 കോടിയുടെ വാര്‍ഷിക പാക്കേജാണ് കമ്പനി മുന്നോട്ട് വയ്ക്കുന്നത്. ശനിയാഴ്ച ഇവരുടെ അന്തിമ നിയമനം ആരംഭിക്കും. നിയമനം 2018-ല്‍ എന്‍ജിനീയറിങ് കോഴ്സ് പൂര്‍ത്തിയാക്കുന്നവര്‍ക്കാണ്. ജോലി റെഡ്മോണ്ട് ആസ്ഥാനത്തായിരിക്കും.
മൈക്രോസോഫ്റ്റ് അടിസ്ഥാന ശമ്പളം, പെര്‍ഫോമന്‍സ് ബോണസ്, ജോയിനിങ് ബോണസ്, സ്റ്റോക്ക് യൂണിറ്റുകള്‍ എന്നിവ ഉള്‍പ്പെടുന്ന പാക്കേജാണ് അവതരിപ്പിക്കുന്നത്. അമേരിക്കന്‍ കമ്പനിയായ ഓണ്‍ലൈന്‍ ടാക്സി സേവന ദാതാക്കളായ ഊബര്‍ 99.87 ലക്ഷം രൂപ ശമ്പളമുള്ള ജോലി വാഗ്ദാനം ചെയ്തിരുന്നു. എന്നാല്‍ ബോണസും സ്റ്റോക്ക് ഓപ്ഷനുകളും മൈക്രോസോഫ്റ്റിനെക്കാള്‍ കുറവായിരുന്നു.
ഈ പാക്കേജുകള്‍ കാണ്‍പുര്‍, മുംബൈ, ചെന്നൈ, ബനാറസ് ഹിന്ദു യൂണിവേഴ്സിറ്റി, റൂര്‍ക്കി കാമ്പസുകള്‍ എന്നിവിടങ്ങളിലും നല്‍കിയേക്കാം. കൂടാതെ ചില വിദ്യാര്‍ഥികള്‍ക്ക് കമ്പനിയുടെ താത്പര്യത്തെ അടിസ്ഥാനപ്പെടുത്തി പാക്കേജുകള്‍ ഉയര്‍ന്നേക്കാം.
Post Your Comments