ഹൈദരാബാദ് : ഇന്ത്യന്‍ പ്രധാനമന്ത്രി നരേന്ദ്രമോദിയെ വാനോളം പുകഴ്ത്തി ഇവാന്‍ക ട്രംപ്. കുട്ടിക്കാലത്ത് ചായ വിറ്റ് നടന്ന മോദി ഇന്ത്യന്‍ പ്രധാനമന്ത്രിയായത് അസാധാരണമായ നേട്ടെമാണെന്നും വനിത ശാക്തീകരണമില്ലാതെ സമൂഹത്തില്‍ വികസനം സാധ്യമാവില്ലെന്ന് വിശ്വസിക്കുന്ന പ്രധാനമന്ത്രി മോദിയെ താന്‍ ഒരുപാട് പ്രശംസിക്കുന്നുവെന്നും ഇവാന്‍ക വ്യക്തമാക്കി. 1500ഓളം വനിതകളാണ് ഉച്ചകോടിയില്‍ പങ്കെടുക്കുന്നത്.
ഹൈദരാബാദില്‍ നടക്കുന്ന ആഗോള സംരംഭകത്വ ഉച്ചകോടിയില്‍ സംസാരിക്കുമ്പോഴാണ് ഇവാന്‍ക മോദിയെ പ്രശംസിച്ചത്. അതിവേഗത്തില്‍ വളരുന്ന സമ്പദ് വ്യവസ്ഥയാണ് ഇന്ത്യയുടേത് അതോടൊപ്പം ആഗോള സംരഭകത്വ ഉച്ചകോടി ഇന്ത്യയും യുഎസ്സും തമ്മിലുളള ബന്ധം ദൃഢമാക്കാനും താന്‍ ആഗ്രഹിക്കുന്നുവെന്നും ഇവാന്‍ക പറഞ്ഞു.
നൂതനായ സാങ്കേതികത്വങ്ങളിലൂടേയും സംരഭകത്വ പരിപാടികളിലൂടേയും ഇന്ത്യ ലോകത്തെ മുഴുവന്‍ പ്രചോദിപ്പിക്കുകയാണ്. അതുകൊണ്ട്തന്നെ ഇന്ത്യ എന്നും വൈറ്റ്ഹൗസിന്റെ നല്ല സുഹൃത്തായിരിക്കും. ഉച്ചകോടിയില്‍ പങ്കെടുത്ത സംരംഭകരാണ് മുത്തുകളുടെ നഗരമായ ഇവിടുത്തെ ഏറ്റവും വലിയ സമ്പത്തെന്നും ഇവാന്‍ കൂട്ടിച്ചേര്‍ത്തു.
Post Your Comments