ന്യൂഡല്‍ഹി: വനിതാ ജഡ്ജിയെ തട്ടിക്കൊണ്ട് പോകാന്‍ ശ്രമിച്ച ഡ്രൈവറെ പോലീസ് അറസ്റ്റ് ചെയ്തു. ഡല്‍ഹിയില്‍ തിങ്കളാഴ്ചയായിരുന്നു സംഭവം. കര്‍കാര്‍ദോമ കോടതിയിലേക്ക് പോകുന്നതിനായി വനിതാ ജഡ്ജി കാറില്‍ കയറി എന്നാല്‍ ഡ്രൈവര്‍ എന്‍.എച്ച്- 24-ല്‍ കൂടി ഹാപ്പര്‍ മേഖലയിലേക്ക് വാഹനം ഓടിക്കുകയായിരുന്നു.
തുടര്‍ന്ന് അപകടം മനസിലാക്കിയ ജഡ്ജി ഉടന്‍ തന്നെ പൊലീസിനെയും സഹപ്രവര്‍ത്തകരെയും വിവരമറിയിക്കുകയായിരുന്നു.
വാഹനം കുറേ ദൂരം പോവുകയും തുടര്‍ന്ന് ഡ്രൈവര്‍ വാഹനം ഡല്‍ഹി ഭാഗത്തേക്ക് തിരിക്കുകയുമായിരുന്നു. എന്നാല്‍ ഗാസിപൂര്‍ ടോള്‍ പ്ലാസയില്‍ വാഹനം കുടുങ്ങിയതോടെ ഡ്രൈവര്‍ പിടിക്കപ്പെട്ടു.
സംഭവത്തെ കുറിച്ച് കൂടുതല്‍ വിവരങ്ങളൊന്നും പോലീസ് വെളിപ്പെടുത്തിയിട്ടില്ല. സ്വകാര്യ എജന്‍സിയുടെ ഡ്രൈവറാണ് ജഡ്ജിയുടെ വാഹനം ഓടിച്ചിരുന്നത്. പോലീസ് കേസെടുത്ത് അന്വേഷണം ആരംഭിച്ചു.
Post Your Comments