നരേന്ദ്ര മോദിയുടെ ഇസ്രയേല്‍ സന്ദര്‍ശനത്തിന്റെ തുടര്‍ച്ചയായി ഇസ്രയേ​ൽ പ്ര​ധാ​ന​മ​ന്ത്രി ഇന്ത്യയിലേക്ക്

ജ​റു​സ​ലേം: ഇസ്രയേ​ൽ പ്ര​ധാ​ന​മ​ന്ത്രി ബെ​ഞ്ച​മി​ൻ നെ​ത​ന്യാ​ഹു നാലുദിവസത്തെ സന്ദർശനത്തിനായി ഇന്ത്യയിലെത്തുന്നു. ജനുവരി 14 ന് അഹമ്മദാബാദിലെത്തുന്ന നെതന്യാഹുവിനെ പ്രധാനമന്ത്രി നരേന്ദ്ര മോദി സ്വീകരിക്കും. പ്രധാനമന്ത്രി നരേന്ദ്ര മോദിയുടെ ഇസ്രയേല്‍ സന്ദര്‍ശനത്തിന്റെ തുടര്‍ച്ചയായാണ് ഇസ്രായേൽ പ്രധാനമന്ത്രി ഇന്ത്യയിലെത്തുന്നത്. 1992ൽ ​ന​യ​ത​ന്ത്ര​ബ​ന്ധം സ്ഥാ​പി​ച്ച​ശേ​ഷം ഇ​ന്ത്യ സ​ന്ദ​ർ​ശി​ക്കു​ന്ന രണ്ടാമത്തെ ഇസ്രയേ​ൽ പ്ര​ധാ​ന​മ​ന്ത്രി​യാ​ണ് നെ​ത​ന്യാ​ഹു. 2003ൽ ​അ​ന്ന​ത്തെ പ്ര​ധാ​ന​മ​ന്ത്രി ഏ​രി​യ​ൽ ഷാരോണും ഇന്ത്യ സന്ദർശിച്ചിരുന്നു.

ഈ വര്‍ഷം ജൂലൈയിലാണ് നാലുദിവസത്തെ സന്ദര്‍ശനത്തിനായി മോദി ഇസ്രയേലിലെത്തിയത്. ഇസ്രയേല്‍ രൂപീകരണത്തിന് ശേഷം രാജ്യം സന്ദര്‍ശിക്കുന്ന ആദ്യ ഇന്ത്യന്‍ പ്രധാനമന്ത്രിയായിരുന്നു മോദി. മോദിയുടെ സന്ദര്‍ശനവേളയില്‍ ബഹിരാകാശം, കൃഷി, ജലസംരക്ഷണം, ഗവേഷണം തുടങ്ങിയ മേഖലകളിൽ ഇന്ത്യയും ഇസ്രയേലും കരാർ ഒപ്പുവെച്ചിരുന്നു.