ഹൈദരാബാദ്: ശിശുദിനത്തില്‍ പ്ലേ സ്കൂളിലെ തുറന്ന ജലസംഭരണിയില്‍ വീണ് വിദ്യാർത്ഥിക്ക് ദാരുണാന്ത്യം. മേദ്ചല്‍ ജില്ലയിലെ മാല്‍ക്കജ്ഗിരി പ്രദേശത്തെ ബച്പന്‍ സ്കൂളിൽ ശിവ രഞ്ജിത്ത് എന്ന വിദ്യാര്‍ഥിയാണ് മരിച്ചത്. ജലസംഭരണയില്‍ സ്കൂള്‍ ബാഗ് പൊങ്ങിക്കിടക്കുന്നത് കണ്ട സ്കൂള്‍ ജീവനക്കാരന്‍ അധികൃതരെ വിവരമറിയിച്ചു. തുടർന്ന് നടത്തിയ അന്വേഷണത്തിലാണ് മൃതദേഹം കണ്ടെത്തിയത്. വിവരം അറിഞ്ഞെത്തിയ രക്ഷിതാക്കളും നാട്ടുകാരും സ്കൂള്‍ അധികൃതരുടെ അനാസ്ഥയാണ് അപകടത്തിന് ഇടവരുത്തിയതെന്ന് ആരോപിച്ച്‌ ബഹളമുണ്ടാക്കി. സ്കൂള്‍ അധികൃതര്‍ക്കെതിരെ അടിയന്തര നടപടി അടിയന്തര നടപടി സ്വീകരിക്കണമെന്ന് അവര്‍ ആവശ്യപ്പെട്ടു. സംഭവത്തിൽ കേസ് രജിസ്‌റ്റർ ചെയ്തു പോലീസ് അന്വേഷണം ആരംഭിച്ചു.
Post Your Comments