ന്യൂഡല്‍ഹി: വന്‍ വിമാന ദുരന്തം ഒഴിവായി. വിമാനത്തിന്റെ ലാന്‍ഡിങ്ങിനിടെ സ്‌പൈസ്‌ജെറ്റ് വിമാനത്തിന്റെ വാല്‍ഭാഗം റണ്‍വേയില്‍ത്തട്ടിയെങ്കിലും നേരിയ വ്യത്യാസത്തില്‍ അപകടമൊഴിവായി.
മധ്യപ്രദേശിലെ ജബല്‍പുരില്‍നിന്നെത്തിയ വിമാനമാണ് ദുരന്തത്തില്‍ നിന്ന് രക്ഷപ്പെട്ടത്. കഴിഞ്ഞദിവസം ഉച്ചയ്ക്ക് ഒരുമണിയോടെ ഡല്‍ഹി ഇന്ദിരാഗാന്ധി രാജ്യാന്തര വിമാനത്താവളത്തിലാണു സംഭവം. സ്‌പൈസ്‌ജെറ്റിന്റെ എസ്ജി-2642 നമ്പര്‍ വിമാനമാണ് റണ്‍വേയില്‍ തട്ടിയത്.
യാത്രക്കാര്‍ സുരക്ഷിതരാണെന്ന് വിമാന കമ്പനി അറിയിച്ചു. ആര്‍ക്കും സംഭവത്തില്‍ പരിക്കേറ്റിട്ടില്ല. എന്നാല്‍, എത്ര യാത്രക്കാര്‍ വിമാനത്തിലുണ്ടായിരുന്നു എന്നതുള്‍പ്പെടെയുള്ള വിവരങ്ങള്‍ കമ്പനി പുറത്തുവിട്ടിട്ടില്ല. സംഭവത്തെക്കുറിച്ച് സിവില്‍ ഏവിയേഷന്‍ ഡയറക്ടറേറ്റ് ജനറല്‍(ഡി.ജി.സി.എ) പ്രതികരിച്ചിട്ടില്ല.
Post Your Comments