ന്യൂഡൽഹി: ആൾദൈവത്തിനെതിരേ പീഡന കേസ് രജിസ്റ്റർ ചെയ്തു. മഹന്ത് സുന്ദർ ദാസ് എന്ന ആൾദൈവത്തിനെതിരേയാണ് പോലീസ് നടപടി. വിവാദ ആൾദൈവം മധ്യവയസ്കയായ സ്ത്രീയെ പീഡിപ്പിച്ചതായി പരാതി ലഭിച്ചതിനെ തുടർന്നാണ് കേസ് എടുത്തത്. ഡൽഹി സബ്സി മാണ്ഡി പോലീസാണ് മഹന്ത് സുന്ദർ ദാസിനു എതിരെ കോടതി നിർദേശ പ്രകാരം കേസ് രജിസ്റ്റർ ചെയ്തത്.
മഹന്ത് സുന്ദർ ദാസ് മൂന്നു വർഷം മുമ്പ് തന്നെ പീഡിപ്പിച്ചതായി സ്ത്രീ അടുത്ത കാലത്ത് ഭർത്താവിനോടു തുറന്നു പറഞ്ഞു. വിവാദ ആൾദൈവത്തിന്റെ സബ്സി മാണ്ഡിയിലെ ആശ്രമത്തിൽ കുടുംബാംഗങ്ങളുമായി എത്തിയ സ്ത്രീയൊണ് മഹന്ത് സുന്ദർ ദാസ് പീഡിപ്പിച്ചത്. ഇതു പുറത്ത് അറിയിച്ചാൽ കൊല്ലുമെന്നും അദ്ദേഹം ഭീഷണിപ്പെടുത്തി. സംഭവത്തിൽ ആദ്യം പോലീസ് കേസ് എടുക്കാൻ തയാറായില്ല. പന്നീട് കോടതിയെ സ്ത്രീ സമീപിച്ചു. ഇതേ തുടർന്ന് കോടതി നൽകിയ ഉത്തരവിനെ തുടർന്നാണ് പോലീസ് കേസ് എടുത്തത്.
Post Your Comments